Ñimbo ya Mitōto 21:1-13
Kudi mukulu wa bañomba. Lwimbo lwa Davida.
21 A Yehova, mulopwe usangelanga bukomo bobe;+Bine, usangelanga bininge bilongwa byobe bya lupandilo!+
2 Ubamupe kyokya kisakasaka mutyima wandi,+Kadi kumusuminwepo bilomba milomo yandi. (Sela)
3 Mwanda umusambakananga na madyese a ntanda ne miseke;Ubatūla kilukwa kya olo itōka* pa mutwe wandi.+
4 Wakulombele būmi, nobe wamupa’bo,+Būmi bulampe,* nyeke ne nyekeke.
5 Bilongwa byobe bya lupandilo bimuletelanga ntumbo mikatampe.+
Ubamwabila bulēme ne buya bwa dyangi.
6 Ubamwalamuna ke mweselwe nyeke;+Ubamusangaja na nsangaji ya ku meso* obe.+
7 Mwanda mulopwe ukulupile mudi Yehova;+Pa mwanda wa buswe bwa ndamatyidile bwa Mwine wa Peulu Mwine, kakatenkanapo nansha dimo.*+
8 Kuboko kobe kukasokola balwana nobe;Kuboko kobe kwa lundyo kukasokola boba bakushikilwe.
9 Ukebalonga pamo bwa nkelwa ya mudilo pa kitatyi kitungwe pokebata mutyima.
Yehova ukebamina mu bulobo bwandi, kadi mudilo ukebaloteja.+
10 Babo bana* ukebonakanya pa ntanda,Ne lutundu lwabo mu bana ba bantu.
11 Mwanda basakanga kukulonga kibi;+Bakutanga nkuku keikendekapo.+
12 Mwanda abe ukebanyemeja+Na kutūnga miketo* kobadi.*
13 A Yehova, imana mu bukomo bobe.
Tukembilanga bukomokomo bobe mitendelo.*
Kunshi kwa Dyani
^ Nansha’mba “mikundulwe.”
^ Kishima pa kishima i, “Bula bwa mafuku.”
^ Kishima pa kishima i, “mpala.”
^ Nansha’mba “kakalundukapo nansha dimo (kutelententa).”
^ Kishima pa kishima i, “bipa.”
^ Kishima pa kishima i, “mizelo.”
^ Kishima pa kishima i, “mapala abo.”
^ Kishima pa kishima i, “kwimba ne komba minjiki.”
