Ñimbo ya Mitōto 149:1-9
149 Tendelai Yah!*
Imbilai Yehova lwimbo lupya;+Mutendelei mu kipwilo kya bantu bandi ba lulamato.+
2 Isalela asangele mudi wandi Mulongi Mukatakata;+Bana ba Ziona basepelele mudi Mulopwe wabo.
3 Batendele dijina dyandi na luja+Ne kumwimbila mitendelo,* koku bomba ñoma ne lunsense.+
4 Mwanda Yehova uloelelwe bantu bandi.+
Uneñenyanga betyepeje na lupandilo.+
5 Bantu ba lulamato basepelele mu ntumbo;Bele nsadi ya tusepo pa matanda abo.+
6 Ñimbo ya kutendela Leza ikale pa mudibu wabo,Kadi kipete kya bui kubidi kikale mu kuboko kwabo,
7 Mwanda wa kwalwija mizo kinongoNe kupa bantu mfuto,
8 Mwanda wa kukuta balopwe babo na nkano ya ku mauluNe ba bulēme babo na nkano ya byuma,
9 Mwanda wa kufikidija butyibi bwibalembēlwe.+
Buno bulēme i bwa bantu bandi bonso ba lulamato.
Tendelai Yah!*
Kunshi kwa Dyani
^ Nansha’mba “Aleluya!” “Yah” i dijina Yehova mu kīpi.
^ Nansha’mba “kumombela minjiki.”
^ Nansha’mba “Aleluya!” “Yah” i dijina Yehova mu kīpi.
