Ñimbo ya Mitōto 143:1-12
Lwimbo lwa Davida.
143 A Yehova, ivwana milombelo yami;+Teja kulomba konomba bukwashi.
Mu bubinebine bobe ne mu boloke bobe, nondolole.
2 Kokatwela mu kidye na mwingidi obe,Mwanda i kutupu muntu mūmi ukokeja kwikala moloke ku meso obe.+
3 Mwanda walwana unondalondanga;*Wavingakanya būmi bwami pa nshi.
Wangikadija mu fukutu pamo bwa boba bafwile tamba kala.
4 Mushipiditu wami* ubakōka;+Mutyima wami ubapungila munda mwami.+
5 Navuluka mafuku a kala;Nalangulukila pa mingilo yobe yonso;+Nalanga* bininge mwingilo wa makasa obe.
6 Nakubādila makasa ami;Ngidi* pamo bwa ntanda myūmu idi nobe kyumwa.+ (Sela)
7 A Yehova, nondolole bukidibukidi;+Bukomo* bwami bubafika ku mfulo.+
Kokamfya mpala yobe,+Nankyo nkekala pamo bwa boba batūkila mu kīna.*+
8 Abe ngivwanije buswe bobe bwa ndamatyidile lubanga,Mwanda nkulupile modi.
Ndyukije dishinda dyomfwaninwe kwenda’mo,+Mwanda naalamukila kodi.*
9 A Yehova, nkūle ku balwana nami.
Nkimba unkinge.+
10 Mfundije kulonga kiswa-mutyima kyobe,+Mwanda abe wi Leza wami.
Mushipiditu obe i muyampe;Unkunkuje pa nshi midingakane.*
11 Pa mwanda wa dijina dyobe, a Yehova, mpandije.
Mu boloke bobe, nkūle* mu tusua.+
12 Mu buswe bobe bwa ndamatyidile, fudija* balwana nami;+Onakanya boba bonso bankambija amiwa,*+Mwanda ami ne mwingidi obe.+
Kunshi kwa Dyani
^ Nansha’mba “ulondalondanga muya wami.”
^ Nansha’mba “Bukomo bwami.”
^ Nansha’mba “Nefunde.”
^ Nansha’mba, “Muya wami udi.”
^ Kishima pa kishima i, “Mushipiditu.”
^ Nansha’mba “kibundu.”
^ Nansha’mba “Mwanda natulula muya wami kodi.”
^ Nansha’mba “mu ntanda ya boloke.”
^ Nansha’mba “kūla muya wami.”
^ Kishima pa kishima i, “talaja nyā.”
^ Nansha’mba “muya wami.”
