Ñimbo ya Mitōto 141:1-10
Lwimbo lwa Davida.
141 A Yehova, nakwite.+
Iya bukidi unkwashe.+
Tá mutyima ponkwita.+
2 Milombelo yami ikale pamo bwa ensense+ milongololwe ku meso obe,+Maboko ami matulule pamo bwa kyamulambu kya miseke kya ku kyolwa.+
3 A Yehova, tūla’ko mulami wa kyakanwa kyami,Tūla kalama pa kibelo kya milomo yami.+
4 Kokaleka mutyima wami ulēmenene ku kintu kibi,+Kulonga bilongwa bibi na bantu babi;Nkyakidya nansha dimo masobo abo a munsonso.
5 Shi moloke ankupile, i kilongwa kya buswe bwa ndamatyidile;+Shi andingile, bidi pamo bwa māni pa mutwe wami,+Keakokejapo kupelwa na mutwe wami nansha dimo.+
Milombelo yami ikendelela enka ne mu byamalwa byabo.
6 Nansha shi batyibi babo abaelwa panshi tamba pa nenekelo,Bantu bakata mutyima ku binenwa byami, mwanda bisangajanga.
7 Monka mobikadilanga shi muntu udima ne kutyimpula nshi,Mo mwapalakanibwa mikupa yetu ku kyakanwa kya Kibundu.*
8 Ino meso ami atalanga kodi, abe Mfumu Mwinē Lupusa Lonso Yehova.+
Nanyemena modi.
Kokafundula būmi bwami.*
9 Nkinge ku kidiba kyobantele,Ku makinga a banonga-bibi.
10 Babi bakapya mu abo makonde abo bonso+Ami papo nepityila biyampe.
Kunshi kwa Dyani
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “Kokapungulula muya wami.”
