Ñimbo ya Mitōto 135:1-21
135 Tendelai Yah!*
Tendelai dijina dya Yehova;Mutendelei, banwe bengidi ba Yehova,+
2 Banwe bemene mu njibo ya Yehova,Mu bipango bya njibo ya Leza wetu.+
3 Tendelai Yah, mwanda Yehova i muyampe.+
Imbilai dijina dyandi mitendelo,* mwanda bisangajanga.
4 Mwanda Yah wetongela Yakoba,Isalela bu kintu kyandi kya pa bula.*+
5 Mwanda ami ndyukile biyampe amba Yehova i mukatampe;Mfumwetu i mukatampe kutabuka baleza bakwabo bonso.+
6 Yehova uloñanga kintu kyonso kyasaka kulonga+Mūlu ne panshi, mu majiba ne mu mushike onso.
7 Ukandijanga makumbi* tamba ku mafulo a ntanda;Upenejanga mapeni a* mvula;Utambijanga kivula mu bibīko byandi.+
8 Waipaile babedi ba Edipito,Ne muntu ne nyema mwine.+
9 Watumine biyukeno ne bingelengele mu bukata mobe, abe Edipito,+Padi Felo ne pa bengidi bandi bonso.+
10 Waipaile mizo mingi+Ne kutapa balopwe bakomokomo+
11 —Shihone mulopwe wa bene Amole,+Oka mulopwe wa Bashane,+Ne malopwe onso a Kenani.
12 Wapēne ntanda yabo bu bupyani,Bupyani bwa Isalela bantu bandi.+
13 A Yehova, dijina dyobe dilādilanga nyeke.
A Yehova, ntumbo yobe* ilādilanga ku nkongo yonso.+
14 Mwanda Yehova ukanenena* bantu bandi,+Kadi ukakwatyilwa lusa* bengidi bandi.+
15 Bilezaleza bya mizo i ndalama ne olo,Mingilo ya makasa a bantu.+
16 Bidi na kyakanwa, ino kebibwanyapo kwisamba;+Meso bidi nao, ino kebibwanyapo kumona;
17 Bidi na matwi, ino kebibwanyapo kwivwana.Mu kyakanwa kyabyo kemudipo umpuya.+
18 Bantu bebilonga bakekala pamo’nka bwa abyo,+Mo mukekadila boba bonso bebikulupile.+
19 A njibo ya Isalela, tendelai Yehova.
A njibo ya Alone, tendelai Yehova.
20 A njibo ya Levi, tendelai Yehova.+
Banwe batyina Yehova, tendelai Yehova.
21 Yehova atendelwe mu Ziona,+Yewa mwine wikele mu Yelusalema.+
Tendelai Yah!+
Kunshi kwa Dyani
^ Nansha’mba “Aleluya!” “Yah” i dijina Yehova mu kīpi.
^ Nansha’mba “Ombelai minjiki.”
^ Nansha’mba “kintu kya bulēme.”
^ Nansha’mba “kyungutu.”
^ Bibwanika padi i, “Uloñanga milango ya.”
^ Nansha’mba “dijina dyobe.” Kishima pa kishima i, “kivulukilo kyobe.”
^ Nansha’mba “ukanena mambo a.”
^ Nansha’mba “ukealakanya pa.”
