Ñimbo ya Mitōto 119:1-176
-
Kusangela kinenwa kilēme kya Leza
-
‘Le bansongwalume bakatōkeja namani kashinda?’ (9)
-
“Nsenswe bikatampe bivulujo byobe” (24)
-
“Bine, nsenswe bijila byobe!” (97)
-
“Bujinguludi buvule kutabuka bafundiji bami” (99)
-
“Kinenwa kyobe i kinanu kya kulu kwami” (105)
-
“Kinenwa kyobe kyonsololo i bubine” (160)
-
Ndoe ku boba basenswe bijila bya Leza (165)
-
א [Aleph]
119 Ba nsangaji i boba bampikwa kutopekwa* mu dishinda dyabo,Banangila mu bijila bya Yehova.+
2 Ba nsangaji i boba balamine bivulujo byandi,+Bamukimba na mutyima wabo onso.+
3 Kebalongaloñangapo bukondame;Banangilanga mu mashinda andi.+
4 Abe wasoñenyeAmba misoñanya yobe ilamwe senene.+
5 Yō, shi nadi’tu mbwanya kwimanija*+Mwa kulamina misoñanya yobe!
6 Longa nkyadipo wa kufwijibwa bumvu+Pomandaula mbila yobe yonso.
7 Nkakutendelanga na mutyima moloke swāPonefunda butyibi bobe boloke.
8 Nkalamanga misoñanya yobe.
Kokangilwa ilwē.
ב [Beth]
9 Le nsongwalume ukatōkeja namani kashinda kandi?
I na kwilama mwendele kinenwa kyobe.+
10 Nakukimbe na mutyima wami onso.
Kokandeka nsāsuke ku mbila yobe.+
11 Nabīka binenwa byobe mu mutyima wami+Kutyina’mba nakakupya mambo.+
12 A Yehova, utendelwe;Mfundije misoñanya yobe.
13 Nasapula na milomo yamiButyibi bonso bowanenene.
14 Nsangelanga bivulujo byobe+Kupita bintu bikwabo byonso bya bulēme.+
15 Nkalangulukilanga pa* misoñanya yobe+Ne kubambila meso ami pa tushinda tobe.+
16 Nsenswe bikatampe bitungo byobe.
Nkikelwapo kinenwa kyobe.+
ג [Gimel]
17 Longela mwingidi obe bintu na kanye,Amba ngikale mūmi kadi ndame kinenwa kyobe.+
18 Pūtula meso ami mone biyampeBintu bya kutendelwa bya mu bijila byobe.
19 Ami ne mweni’tu mu ino ntanda.+
Kokamfya mbila yobe.
20 Ami* nadibwa na kwabila kongabila biningeButyibi bobe kitatyi kyonso.
21 Abe ufuninanga bantu ba ditatu,*Boba bafingwe mafingo basāsuka ku mbila yobe.+
22 Ntalule* kibengo ne kafutululo,Mwanda ndamine bivulujo byobe.
23 Nansha shi bamfumu abashikata pamo kebanenena bibi,Mwingidi obe ulangulukilanga pa* misoñanya yobe.
24 Nsenswe bikatampe bivulujo byobe;+I badingidi bami.+
ד [Daleth]
25 Nalāla* nevukwila mu luvumbi.+
Mpandije mwendele kinenwa kyobe.+
26 Nakulombwele mashinda ami, nobe waunondolola;Mfundije misoñanya yobe.+
27 Abe ngivwanije buluji* bwa misoñanya yobe,Amba nangulukile pa* mingilo yobe ya kutendelwa.+
28 Ami mbulwanga* tulo mwanda wa njia.
Nkomeje mwendele kinenwa kyobe.
29 Talula kondi dishinda dya bongojani,+Kadi ntōkelwe mutyima na bijila byobe.
30 Natonge dishinda dya kikōkeji.+
Najingulula’mba butyibi bobe i boloke.
31 Nalamata ku bivulujo byobe.+
A Yehova, kokandeka mfwijibwe bumvu.+
32 Nkalondalondanga* na kininga dishinda dya mbila yobeMwanda ubedipe kyaba mu mutyima wami.*
ה [He]
33 A Yehova, mfundije+ dishinda dya misoñanya yobe,Nami nkedilondanga kufika ne ku mfulo.+
34 Mpe ñeni,Amba nonde bijila byobeNe kwibilama na mutyima wami onso.
35 Ñendeje* mu dishinda dya mbila yobe,+Mwanda e monka mondoelelwe.
36 Lēmeneja mutyima wami ku bivulujo byobe,Ke ku kamwenopo ka kwisakila.*+
37 Tadija meso ami kungi kutyina akatala kintu kya bituputupu;+Mpandije mu dishinda dyobe.
38 Fikidija mulao* obe kudi mwingidi obe,Amba utyinwe.*
39 Talula kuzobejibwa kontyina,Mwanda butyibi bobe i buyampe.+
40 Tala mongabidila bininge misoñanya yobe.
Mpandije mu boloke bobe.
ו [Waw]
41 A Yehova, leka nemwene buswe bobe bwa ndamatyidile,+Lupandilo lobe kukwatañana na mulao obe;*+
42 Penepo nkalondolola yewa unkolomona,Mwanda natūla kikulupiji kyami mu kinenwa kyobe.
43 Kokatalwididila kinenwa kya bubine mu kyakanwa kyami,Mwanda nkulupile mu* butyibi bobe.
44 Nkalama bijila byobe mafuku onso,Nyeke ne nyekeke.+
45 Kadi nkanañanga mu kifuko kilamwe senene,*+Mwanda nkimbanga misoñanya yobe.
46 Nkesambanga bivulujo byobe ku meso a balopwe,Nkikafupo bumvu.+
47 Nsenswe bikatampe mbila yobe,Bine, neisenswe.+
48 Nkatululanga makasa ami ku mbila yobe, mine yonsenswe,+Kadi nkalangulukilanga pa* misoñanya yobe.+
ז [Zayin]
49 Vuluka kinenwa kyobe* kudi mwingidi obe,Kine kyowampa nakyo lukulupilo.*
50 Kino’ki kinseñanga mu malwa ami,+Mwanda binenwa byobe bibampandija.
51 Bantu ba ditatu* abamenge bininge,Ino ami nkisāsukilepo ku bijila byobe.+
52 A Yehova, navuluka butyibi bobe bwa pa kala,+Nabo bubaunsenge.+
53 Nakwatwa bukalabale budyendyemuka pa mwanda wa babi,Baleka bijila byobe.+
54 Misoñanya yobe i ñimbo yamiKonso kongikele.*
55 A Yehova, mvulukanga dijina dyobe bufuku,+Amba ndame bijila byobe.
56 Kino’ki kyo kibidiji kyamiMwanda nondanga misoñanya yobe.
ח [Heth]
57 Yehova i kipindi kyami;+Nalaile kulama binenwa byobe.+
58 Nakwabija* na mutyima wami onso;+Ntōkelwe mutyima+ mwendele mulao obe.*
59 Nabandaula mashinda ami,Amba njokeje maulu ami ku bivulujo byobe.+
60 Napeja bukidi, nkijijepoKulama mbila yobe.+
61 Myonji ya babi ibampombe,Ino ami nkidilwepo bijila byobe.+
62 Mu bukata bwa bufuku mbūkanga kukufwija’ko+Mwanda wa butyibi bobe boloke.
63 Ami ne mulunda wa boba bonso bakutyinaNe boba balama misoñanya yobe.+
64 A Yehova, buswe bobe bwa ndamatyidile i buyule ntanda;+Mfundije misoñanya yobe.
ט [Teth]
65 Ubalongela mwingidi obe biyampe,A Yehova, mwendele kinenwa kyobe.
66 Mfundije ñeni ne buyuki,+Mwanda natūla kikulupiji kyami mu mbila yobe.
67 Kumeso kwa kumweshibwa malwa, nadi nsāsuka,*Ino pano nalama binenwa byobe.+
68 Abe wi muyampe+ kadi mingilo yobe i miyampe.
Mfundije misoñanya yobe.+
69 Bantu ba ditatu* bambepelanga bubela,Ino ami ndamine misoñanya yobe na mutyima wami onso.
70 Mutyima wabo i mūmu,*+Ino ami nsenswe bininge bijila byobe.+
71 I biyampe byonamweshibwe malwa,+Amba nefunde misoñanya yobe.
72 Bijila byowasapwile i biyampe kondi,+Kutabuka bibese tununu bya olo ne ndalama.+
י [Yod]
73 Maboko obe aunongele ne kumumba.
Mpe’ko ñeni,Amba nefunde mbila yobe.+
74 Boba bakutyina bamonanga ami basangala,Mwanda kinenwa kyobe lo lukulupilo lwami.*+
75 A Yehova, ndyukile amba butyibi bobe i boloke+Kadi ubaumwesha malwa mu bubinebine bobe.+
76 Nakwisāshila, buswe bobe bwa ndamatyidile+ bunsenge,Mwendele mulao* owalaile mwingidi obe.
77 Ngivwanine lusa, amba ngikale mūmi,+Mwanda nsenswe bikatampe bijila byobe.+
78 Bantu ba ditatu* bafwijibwe bumvu,Ke-pantu bandubilanga pampikwa mwanda.*
Ino ami nkalangulukilanga pa* misoñanya yobe.+
79 Boba bakutyina bajokele kondi,Boba bayukile bivulujo byobe.
80 Mutyima wami wikale wampikwa kutopekwa mu kulonda misoñanya yobe,+Kutyina nakafwijibwa bumvu.+
כ [Kaph]
81 Ngabilanga bininge* lupandilo lobe,+Mwanda kinenwa kyobe lo lukulupilo lwami.*
82 Meso ami abilanga bininge binenwa byobe+Pongipangula’mba: “Le ukansenga kitatyi’ka?”+
83 Ngidi pamo bwa mutyibi wa kiseba mūmijibwe mu mwishi,Ino nkidilwepo misoñanya yobe.+
84 Le mwingidi obe ukelaija mafuku anga?
I kitatyi’ka kyokaleta butyibi pa boba bampangapanga?+
85 Bantu ba ditatu* abaunkolela lubao,Boba bapunika bijila byobe.
86 Mbila yobe yonso i ikulupilwa.
Bantu bampangapanga pampikwa mwanda; nkwashe’ko!+
87 Pashele’tu patyē, baswile kuntalula pa ntanda,Ino ami nkyalekelepo misoñanya yobe.
88 Mpandije pa mwanda wa buswe bobe bwa ndamatyidile,Amba ndame bivulujo byobe byowanenene.
ל [Lamed]
89 Nyeke, a Yehova,Kinenwa kyobe kikekala’ko nyeke mu madiulu.+
90 Bubinebine bobe i bwa mu nkongo yonso.+
Ubakomeja ntanda pototo, amba imanije nyeke.+
91 Pa butyibi bobe ayo* ikidi’ko ne dyalelo,Mwanda ayo yonso i bengidi bobe.
92 Shi nkyadipo nsenswe bikatampe bijila byobe,Longa kendi mufwe mu malwa ami.+
93 Nkikelwapo nansha dimo misoñanya yobe,Mwanda ubampandija na ayo.+
94 Ami ne obe; mpandije,+Mwanda nakimbe misoñanya yobe.+
95 Babi batengele kuñonakanya,Ino ami ntele mutyima bininge ku bivulujo byobe.
96 Namone mukalo wa bubwaninine bonso,Ino mbila yobe keidipo na mukalo.*
מ [Mem]
97 Bine, nsenswe bijila byobe!+
Nangulukilanga’po* difuku dyonso dituntulu.+
98 Mbila yobe ibangalamuna kendi wa tunangu kutabuka balwana nami,+Mwanda idi nami nyeke.
99 Ngidi na bujinguludi buvule kutabuka bafundiji bami bonso,+Mwanda nangulukilanga pa* bivulujo byobe.
100 Noñanga bya ñeni kutabuka banunu,Mwanda nondanga misoñanya yobe.
101 Mpelanga kunangila mu kashinda ko-konso kabi,+Amba ndame kinenwa kyobe.
102 Nkisāsukilepo ku butyibi bobe,Mwanda waumfundije.
103 Bine, binenwa byobe bitobalanga mu kilango kyami,Kutabuka ne būki mu kyakanwa kyami!+
104 Na misoñanya yobe noñanga bya ñeni.+
O mwanda nshikilwe kashinda konso ka bubela.+
נ [Nun]
105 Kinenwa kyobe i kinanu kya kulu kwami,Ne kitōkeji kya mu kashinda kami.+
106 Natyipe mutyipo, kadi nkafikidijanga’o,Kulama butyibi bobe boloke.
107 Namweshibwa malwa bikatampe.+
A Yehova, mpandije mwendele kinenwa kyobe.+
108 A Yehova nakwisāshila, loelelwa byamulambu byami bya kwilanga bya mitendelo,*+Kadi mfundije butyibi bobe.+
109 Būmi bwami budi mu kyaka mafuku onso,*Ino ami nkidilwepo bijila byobe.+
110 Babi abante kidiba,Ino ami nkisāsukilepo ku misoñanya yobe.+
111 Nayata bivulujo byobe bu kintu kyami kya lonso,*Mwanda abyo i nsangaji ya mutyima wami.+
112 Ne musumininwe* kukōkela misoñanya yobeKyaba kyonso, kufika ne ku mfulo.
ס [Samekh]
113 Nshikilwe bantu ba mityima ibidi,*+Ino nsenswe bijila byobe.+
114 Abe wi mwemba wami ne ngabo yami,+Mwanda kinenwa kyobe lo lukulupilo lwami.*+
115 Banwe bantu babi, nsonsolokei,+Amba ndame mbila ya Leza wami.
116 Nkwashe’nka mowalaile’mwa,*+Amba ngikale mūmi;Kokaleka lukulupilo lwami lwalamuke ke kufwijibwa bumvu.+
117 Nkwashe amba mpande;+Penepo nkata mutyima mafuku onso ku misoñanya yobe.+
118 Ubaela boba bonso basāsuka ku misoñanya yobe,+Mwanda i ba bubela ne bongojani.
119 Ubasumbula babi bonso ba pa ntanda pamo bwa bityani bya bituputupu.+
O mwanda nsenswe bivulujo byobe.
120 Kityino kyobe kizakajanga ngitu* yami;Nakwatwa moyo wa butyibi bobe.
ע [Ayin]
121 Nalonga kilulame ne kyoloke.
Kokandeka kudi bamwesha malwa!
122 Laya amba ukakwasha mwingidi obe;Bantu ba ditatu* kebakimwesha malwa.
123 Meso ami abapungila pontengele lupandilo lobe+Ne mulao* obe moloke.+
124 Lombola buswe bobe bwa ndamatyidile kudi mwingidi obe,+Kadi mfundije misoñanya yobe.+
125 Ami ne mwingidi obe; mpe’ko ñeni,+Amba ndyuke bivulujo byobe.
126 Kitatyi kibafika kya Yehova kulonga’po kintu,+Mwanda abajilula bijila byobe.
127 O mwanda nsenswe mbila yobeKutabuka olo, enka ne olo itōka* mine.+
128 Shi ke pano, ami mwene bulombodi* bonso butamba kodi bu boloke;+Nshikilwe kashinda konso ka bubela.+
פ [Pe]
129 Bivulujo byobe i bya kutendelwa.
O mwanda nebilamine.*
130 Kusokola binenwa byobe kuletanga kitōkeji,+Kupānanga ñeni ku bantu bampikwa bwino.+
131 Naasama kyakanwa kyami bininge keminze,*Mwanda ngabilanga bininge mbila yobe.+
132 Alamukila kondi untōkelwe mutyima,+Ulame butyibi bobe ku boba basenswe dijina dyobe.+
133 Ludika matabula ami biyampe* na binenwa byobe;Kintu kibi nansha kimo kekyakambikala.+
134 Nkūle* ku bantu ba kasusu,Nami nkalamanga misoñanya yobe.
135 Eñenya mpala yobe padi* mwingidi obe,+Kadi mfundije misoñanya yobe.
136 Impolo ibasūma mu meso amiMwanda bantu kebalaminepo bijila byobe.+
צ [Tsade]
137 A Yehova, abe wi moloke,+Butyibi bobe nabo i bwendele’mo.+
138 Bivulujo byoleta i byolokeKadi bikulupilwa ne pa mfulo.
139 Bupyasakane bwami bubandi,+Mwanda balwana nami abailwa binenwa byobe.
140 Binenwa byobe i bitōkejibwe tō,+Kadi mwingidi obe wibisenswe.+
141 Ami ne mutyetye kadi mufutululwe;+Ino, nkidilwepo misoñanya yobe.
142 Boloke bobe i boloke bwa nyeke,+Kadi bijila byobe i bubine.+
143 Nansha shi tusua ne makambakano bimfikile,Nsenswe bikatampe nyeke mbila yobe.
144 Boloke bwa bivulujo byobe i bwa nyeke.
Mpe’ko ñeni,+ amba ngikale mūmi.
ק [Qoph]
145 Naite na mutyima wami onso. A Yehova, ngitabe.
Nkalondanga misoñanya yobe.
146 Nakwite; mpandije!
Nkalamanga bivulujo byobe.
147 Nalanguka kulomba bukwashi kumeso kwa kibangabanga* kutamba,+Mwanda binenwa byobe lo lukulupilo lwami.*
148 Meso ami apūtukanga kumeso kwa bilo bya bufuku,Amba nangulukile pa* binenwa byobe.+
149 Ivwana diwi dyami pa mwanda wa buswe bobe bwa ndamatyidile.+
A Yehova, mpandije mwendele boloke bobe.
150 Boba batakamene mu mwiendelejo wa bumvu* abafwena pabwipi;Badi kulampe na bijila byobe.
151 A Yehova, abe udi pabwipi,+Kadi mbila yobe yonso i bubine.+
152 Nefundile bivulujo byobe tamba kala,Amba webiningishe bikale’ko nyeke.+
ר [Resh]
153 Tala malwa ami unkūle,+Mwanda nkidilwepo bijila byobe.
154 Nenene* kadi nkūle;+Mpandije kukwatañana na mulao obe.*
155 Lupandilo ludi kulampe na babi,Mwanda kebakimbangapo misoñanya yobe.+
156 A Yehova, lusa lobe i lukatampe.+
Mpandije kukwatañana na boloke bobe.
157 Boba bampangapanga ne balwana nami i bangi;+Ino ami nkisāsukilepo ku bivulujo byobe.
158 Ntalanga bandalandala na mukenye,Mwanda kebalaminepo binenwa byobe.+
159 Tala monsanshilwe misoñanya yobe!
A Yehova, mpandije pa mwanda wa buswe bobe bwa ndamatyidile.+
160 Kinenwa kyobe kyonsololo i bubine,+Kadi butyibi bobe bonso boloke bulādilanga nyeke.
ש [Sin] nansha’mba [Shin]
161 Bamfumu bampangapanga+ pampikwa mwanda,Ino mutyima wami ukwetwe nzuba pa binenwa byobe.+
162 Nsangelanga binenwa byobe+Pamo bwa muntu wasokola kitūtwa kikatampe.
163 Nshikilwe bubela—nebumwene bu kya munyanji+—Nsenswe bijila byobe.+
164 Nkutendelanga misunsa isamba-ibidi ku difukuPa mwanda wa butyibi bobe boloke.
165 Ndoe mivulevule i ya boba basenswe bijila byobe;+I kutupu kintu kibwanya kwibakukaja.*
166 A Yehova, nkulupile bilongwa byobe bya lupandilo,Kadi nondanga mbila yobe.
167 Ndamine* bivulujo byobe,Kadi nebisenswe bininge.+
168 Nondanga misoñanya yobe ne bivulujo byobe,Mwanda abewa uyukile byonso byononga.+
ת [Taw]
169 A Yehova, kulomba konomba bukwashi kufike kodi.+
Mwendele kinenwa kyobe, ungivwanije.+
170 Milombelo yami ya kutōkelwa mutyima ifike ku meso obe.
Mpandije, monka mowalaile’mwa.*
171 Milomo yami iyule mitendelo,+Mwanda ubamfundija misoñanya yobe.
172 Ludimi lwami lwimbe binenwa byobe,+Mwanda mbila yobe yonso i myoloke.
173 Kuboko kobe kwikale kutengele kunkwasha,+Mwanda natonge kukōkela misoñanya yobe.+
174 A Yehova, ngabilanga bininge lupandilo lobe,Kadi nsenswe bikatampe bijila byobe.+
175 Ndeke* ngikale mūmi amba nkutendele;+Butyibi bobe bwikale mukwashi wami.
176 Nasāsukile pamo bwa mukōko mujimine.+ Kimba mwingidi obe,Mwanda nkidilwepo mbila yobe.+
Kunshi kwa Dyani
^ Nansha’mba “balamine bululame.”
^ Kishima pa kishima i, “Yō, shi mashinda ami adi mashimatyije pototo.”
^ Nansha’mba “Nkefundanga.”
^ Nansha’mba “Muya wami.”
^ Nansha’mba “ba kibutakwe.”
^ Kishima pa kishima i, “Ntentule.”
^ Nansha’mba “wifundanga.”
^ Nansha’mba “Muya wami ulēle.”
^ Kishima pa kishima i, “dishinda.”
^ Nansha’mba “nefunde.”
^ Nansha’mba “Muya wami ubulwanga.”
^ Kishima pa kishima i, “Nkanyemanga.”
^ Bibwanika padi i, “ubalengeja mutyima wami ukulupile.”
^ Nansha’mba “Nangije.”
^ Nansha’mba “Ke ku tumwenopo.”
^ Nansha’mba “binenwa.”
^ Bibwanika padi i, “Ulailwe boba bakutyina.”
^ Nansha’mba “binenwa byobe.”
^ Nansha’mba “nkungile.”
^ Nansha’mba “kifuko kikatampe.”
^ Nansha’mba “nkefundanga.”
^ Nansha’mba “mulao obe.”
^ Nansha’mba “Kyowanengeja nkungile.”
^ Nansha’mba “ba kibutakwe.”
^ Nansha’mba “Mu njibo yongikele’mo bu mweni.”
^ Nansha’mba “Nanekenya (nakimbe mimungomungo ya) mpala yobe.”
^ Nansha’mba “binenwa byobe.”
^ Nansha’mba “nadi nonga bubi mu kalengwa.”
^ Nansha’mba “ba kibutakwe.”
^ Kishima pa kishima i, “kewivwanapo kintu, pamo bwa māni.”
^ Nansha’mba “nkungilanga kinenwa kyobe.”
^ Nansha’mba “binenwa.”
^ Nansha’mba “ba kibutakwe.”
^ Bibwanika padi i, “na bubela.”
^ Nansha’mba “nkefundanga.”
^ Nansha’mba “Muya wami upungilanga.”
^ Nansha’mba “nkungilanga kinenwa kyobe.”
^ Nansha’mba “ba kibutakwe.”
^ Ko kunena’mba, mingilo yandi yonso ya bupangi.
^ Kishima pa kishima i, “i mikatampe bininge.”
^ Nansha’mba “Nefundanga’byo.”
^ Nansha’mba “nefundanga.”
^ Kishima pa kishima i, “byamulambu bya kwilangila bya kyakanwa kyami.”
^ Nansha’mba “Muya wami udi mu kuboko kwami mafuku onso.”
^ Nansha’mba “bupyani bwami bwa nyeke.”
^ Kishima pa kishima i, “Nate mutyima wami.”
^ Nansha’mba “bantu ba mutyima mwabanibwe.”
^ Nansha’mba “nkungilanga kinenwa kyobe.”
^ Nansha’mba “mwendele binenwa byobe.”
^ Kishima pa kishima i, “mwita.”
^ Nansha’mba “ba kibutakwe.”
^ Nansha’mba “binenwa.”
^ Nansha’mba “mikundulwe.”
^ Nansha’mba “musoñanya.”
^ Nansha’mba “muya wami wibilamine.”
^ Kishima pa kishima i, “kengesakana.”
^ Nansha’mba “Ningisha matabula ami.”
^ Kishima pa kishima i, “Nyongolole.”
^ Nansha’mba “Mungijamungija.”
^ Nansha’mba “kapita i kāni ka lubanga.”
^ Nansha’mba “nkungilanga binenwa byobe.”
^ Nansha’mba “nefunde.”
^ Nansha’mba “mu mwiendelejo wa kiboja.”
^ Nansha’mba “Endeja kisambo kyami.”
^ Nansha’mba “binenwa byobe.”
^ Nansha’mba “Kobadi i kutupu kikukaja.”
^ Nansha’mba “Muya wami ulamine.”
^ Nansha’mba “mwendele binenwa byobe.”
^ Nansha’mba “Leka muya wami.”
