Ñimbo ya Mitōto 116:1-19
116 Amiwa nsenswe YehovaMwanda wivwananga* diwi dyami, kulomba konomba bukwashi.+
2 Mwanda utanga kutwi kwandi* kondi,+Nami nkamwitanga kitatyi kyonso kyondi mūmi.*
3 Myonji ya lufu yanjokolokele;Kibundu kyaumfinine lukono.*+
Nanekenibwe na tusua ne njia.+
4 Ino naityile dijina dya Yehova amba:+
“A Yehova, nkūle!”*
5 Yehova i wa kanye* kadi moloke;+Leza wetu i wa lusa.+
6 Yehova ulamanga bampikwa bwino.+
Natūkijibwe panshi, nandi wampandija.
7 Muya* wami ukōkolokwe monka,Mwanda Yehova wanongela bintu na kanye.
8 Ubankūla* ku lufu,Meso ami ku impolo, kulu kwami nako ku kukukala.+
9 Nkendanga ku meso a Yehova mu ntanda ya bōmi.
10 Nadi na lwitabijo, o mwanda nesambile;+Namweshibwe malwa bininge.
11 Ino ami, nazakele kenena’mba:
“Muntu ense i mbepai.”+
12 I bika le byonkalwija YehovaPa biyampe byonso byaunongela?
13 Nkatululanga kitomeno kya lupandilo,*Kadi nketanga dijina dya Yehova.
14 Nkafikidijanga mpiko yami kudi YehovaKu meso a bantu bandi bonso.+
15 Lufu lwa bantu bandi ba lulamatoI mwanda mukatampe* ku meso a Yehova.+
16 A Yehova, nakwisāshila,Mwanda ne mwingidi obe.
Ne mwingidi obe, mwanā umpika obe mwana-mukaji.
Ubankutulula mu bikutwa byami.+
17 Nkakulambulanga kitapwa kya kufwija’ko;+Nketanga dijina dya Yehova.
18 Nkafikidijanga mpiko yami kudi Yehova+Ku meso a bantu bandi bonso,+
19 Mu bipango bya njibo ya Yehova,+Mu bukata mobe, abe Yelusalema.
Tendelai Yah!*+
Kunshi kwa Dyani
^ Bibwanika padi i, “Nsenswe mwanda Yehova wivwananga.”
^ Nansha’mba “ubandamanga waivwana.”
^ Kishima pa kishima i, “mu mafuku ami.”
^ Kishima pa kishima i, “Tusua twa Sheole twantene.”
^ Nansha’mba “kūla muya wami.”
^ Nansha’mba “ufwila lusa.”
^ Tala Nshintulwilo ya Bishima.
^ Nansha’mba “Ubakūla muya wami.”
^ Nansha’mba “lupandilo lukatampe.”
^ Kishima pa kishima i, “lulēme.”
^ Nansha’mba “Aleluya!” “Yah” i dijina Yehova mu kīpi.
