Ñimbo ya Mitōto 115:1-18
115 Ke batwepo, a Yehova, ke batwepo,*Ino pá dijina dyobe ntumbo+Pa mwanda wa buswe bobe bwa ndamatyidile ne bubinebine bobe.+
2 Mwanda waka mizo ikanene amba:
“Lelo Leza wabo udi kwepi?”+
3 Leza wetu udi mūlu;Uloñanga kyonso kyasaka.
4 Bilezaleza byabo i ndalama ne olo,Mingilo ya makasa a bantu.+
5 Bidi na kyakanwa, ino kebibwanyapo kwisamba;+Meso bidi nao, ino kebibwanyapo kumona;
6 Bidi na matwi, ino kebibwanyapo kwivwana;Myulu bidi nayo, ino kebibwanyapo kulula;
7 Bidi na makasa, ino kebibwanyapo kukwata;Maulu bidi nao, ino kebibwanyapo kwenda;+Kebitambijangapo diwi na mudibu wabyo.+
8 Bantu bebilonga bakekala pamo’nka bwa abyo,+Mo mukekadila boba bonso bebikulupile.+
9 A Isalela, kulupila mudi Yehova+—Aye i mukwashi wabo ne ngabo yabo.+
10 A njibo ya Alone,+ kulupila mudi Yehova—Aye i mukwashi wabo ne ngabo yabo.
11 Banwe batyina Yehova, kulupilai mudi Yehova+—Aye i mukwashi wabo ne ngabo yabo.+
12 Yehova wetuvuluka kadi uketwesela;Ukesela njibo ya Isalela;+Ukesela njibo ya Alone.
13 Aye ukesela boba batyina Yehova,Batyetye ne bakatampe bene.
14 Yehova ukemuvudija,Banwe ne benu bana.*+
15 Yehova emwesele,+Mulongi wa diulu ne ntanda.+
16 Mwanda madiulu, i a Yehova,+Inoko ntanda wapele’yo bana ba bantu.+
17 Bafwe kebatendelangapo Yah;+Nansha ke boba batūkila mu lufu.*+
18 Ino batwe tukatendelanga YahTamba pano ne nyeke.
Tendelai Yah!*
Kunshi kwa Dyani
^ Nansha’mba “Batwe ketudipo na kintu, a Yehova, batwe ketudipo na kintu.”
^ Kishima pa kishima i, “bana bana-balume.”
^ Kishima pa kishima i, “mutalala nyā.”
^ Nansha’mba “Aleluya!” “Yah” i dijina Yehova mu kīpi.
