Ñimbo ya Mitōto 109:1-31
Kudi mukulu wa bañomba. Lwimbo lwa Davida.
109 A Leza mwine ontendelanga,+ kokekala talala.
2 Mwanda babi ne bantu ba bongojani abangasamina byakanwa byabo.
Besamba yami myanda na ndimi ya bubela;+
3 Abanjokoloka na binenwa bya mushikwa,Kadi abantambe pampikwa mwanda.+
4 Bandwanga pa mwanda wa buswe bwami;+Ino ami nombela’nka kulombela.
5 Abandubwila kibi ku kiyampe+Ne mushikwa ku buswe bwami.+
6 Atyibilwe mambo na mubi;Wa kumulwa* emane ku kuboko kwandi kwa lundyo.
7 Patyibilwa mambo, aponejibwe;*Enka ne milombelo yandi mine imonwe bu bubi.+
8 Mafuku andi atyepe;+Mwingilo wandi wa butadi uselwe na ungi.+
9 Bandi bana* bekale bampikwa shabo,Wandi mukaji nandi ekale wa kishala.
10 Bandi bana* bekale ba lulombo bajokoloka,Bakimbakimba byakudya mu mobo abo masalwe.
11 Boba bamwapwije bamuyate* byonso byadi nabyo,Beni nabo batūte bintu byandi.
12 Kekwakekala nansha umo wa kumulombola kanye,*Kadi kekwakekala nansha umo wa kutōkelwa mutyima bandi bana bampikwa shabo.
13 Ntundu* yandi ityibwe’ko;+Dijina dyabo dijimankane mu lukongo.
14 Yehova avuluke kilubo kya bakulutuba bandi,+Kadi bubi bwa inandi kebwakajimankana.
15 Yehova avuluke nyeke byobya byobalonga;Kadi atalule kivulukilo kyabo pa ntanda.+
16 Mwanda kavulukilepo kulombola kanye,*+Ino wadi ulondalonda nyeke kimonya-malwa,+ mulanda, ne muntu wa mutyima mutyumukeMwanda wa kumwipaya.+
17 Wadi usenswe kufinga mafingo, ino o-onka amufikīle;Kadipo usaka kwesela, o mwanda katambwilepo dyese nansha dimo.
18 Wadi uvwele mafingo’nka bwa kivwalwa kyandi.
Kadi apungulwilwe mu umbidi wandi pamo bwa mema,Mu mikupa yandi pamo bwa māni.
19 Mafingo andi ekale pamo bwa kivwalwa kyaepombele+Ne pamo bwa mukaba wavwele kyaba kyonso.
20 Ino’i yo mpalo ya kwa Yehova ya yewa ulwa nami+Ne ya boba banena bintu bibi padi ami.*
21 Ino abe, Yehova Mfumu Mwinē Lupusa Lonso,Nkwashe’ko pa mwanda wa dijina dyobe.+
Nkūle, mwanda buswe bobe bwa ndamatyidile i buyampe.+
22 Mwanda ami ne mufudile kadi mulanda,+Kadi mutyima wami ubasabwe munda mwami.+
23 Mpitanga pamo bwa munjiñininya wenda ujimina;Napepulwa pamo bwa lujie.
24 Manwi ami abakōka kushikilwa na nzala;Umbidi wami ubanyana, kadi ñendanga nshinika.*
25 Kendi kyabo kintu kya kukolomona.+
Shi baumona, kebapuka mitwe yabo.+
26 Nkwashe’ko, a Yehova Leza wami;Mpandije pa buswe bobe bwa ndamatyidile.
27 Bayuke amba i na kuboko kobe;Amba, abe Yehova ye walonga’kyo.
28 Bafinge mafingo, ino abe leta dyese.
Shi kebantombokela, bafwijibwe bumvu,Ino mwingidi obe asangale.
29 Boba bonso balwa nami bavwikwe kupēlulwa;Bavungilwe mu bumvu bwabo pamo bwa mu munkukumba.*+
30 Kyakanwa kyami kikatendelanga Yehova na kininga;Nkamutendelanga ku meso a bantu bavule.+
31 Mwanda aye ukemananga ku kuboko kwa lundyo kwa mulandaKumupandija ku boba bamuponeja.*
Kunshi kwa Dyani
^ Nansha’mba “Wa kumusambila.”
^ Nansha’mba “ekale mubi.”
^ Kishima pa kishima i, “bana bana-balume.”
^ Kishima pa kishima i, “bana bana-balume.”
^ Nansha’mba “Boba bamwapuja na kamweno katabuke’mo bate makinga.”
^ Nansha’mba “buswe bwa ndamatyidile.”
^ Nansha’mba “Lukunwa.”
^ Nansha’mba “buswe bwa ndamatyidile.”
^ Nansha’mba “muya wami.”
^ Kishima pa kishima i, “Ngitu yami ibaume, pampikwa māni.”
^ Nansha’mba “kotyi wampikwa makasa.”
^ Nansha’mba “baponeja muya wandi.”
