Ñimbo ya Mitōto 108:1-13
Lwimbo lwa Davida.
108 Mutyima wami i muninge, abe Leza.
Nkakwimbilanga mitendelo ami ense.*+
2 A kyombanwa kya myonji, languka; ne abe lunsense mwine.+
Nkalangulanga kibangabanga.
3 A Yehova, nkakutendelanga mu bukata mwa bantu,Kadi nkakwimbilanga mitendelo* mu bukata mwa mizo.
4 Mwanda buswe bobe bwa ndamatyidile i bukatampe, budi peulu pamo’nka bwa madiulu,+Ne bubinebine bobe nabo, kufika’nka ne mu makumbi.
5 A Leza, uzunzulwe peulu pa madiulu;Ntumbo yobe ikale peulu pa ntanda yonso.+
6 Amba baswedibwe bobe bakūlwe,Witupandije na kuboko kobe kwa lundyo, kadi nondolole.+
7 Leza wesambe mu buujila bwandi* amba:
“Nkasepelelanga, nkapānanga Shekema+ bu bupyani,Kadi nkapimanga Musanza* wa Sukote.+
8 Ngileade+ i wami, monka mwikadile Manase,Efelaimi i kilama-mutwe* kya mutwe wami;+Yuda i mukombo wami wa buludiki.+
9 Moabu i kyoilo kyami.+
Nkela kikwabilo kyami pa Edoma.+
Nkatūta kyungwe kya bushindañani pa Fidishitia.+
10 Le i ani ukamfikija ku kibundi kikomejibwe?
I ani ukandudika kufika ne ku Edoma?+
11 A Leza, lelo ke abepo wetwela,Leza wetu, mwine kakitambangapo na bibumbo byetu bya mavita?+
12 Witukwashe mu tusua twetu,+Mwanda kupandijibwa na bantu i kwa bitupu.+
13 Tukamonanga bukomo kudi Leza,+Nandi ukatyampanga balwana netu.+
Kunshi kwa Dyani
^ Kishima pa kishima i, “enka ne ntumbo yami.”
^ Nansha’mba “nkakombelanga minjiki.”
^ Bibwanika padi i, “mu kifuko kyandi kijila.”
^ Nansha’mba “Dilungu dya Musanza.”
^ Kishima pa kishima i, “kifuko kikomejibwe.”
