Ñimbo ya Mitōto 107:1-43

  • Kufwija’ko Leza pa mingilo yandi ya kutendelwa

    • Webendeje mu dishinda dyoloke (7)

    • Wapwile kyumwa ne nzala (9)

    • Webatambije mu fukutu (14)

    • Watumine kinenwa kyandi kya kwibondapa (20)

    • Ukiñanga balanda ku malwa (41)

(Ñimbo ya Mitōto 107-150) 107  Fwijai’ko Yehova, mwanda i muyampe;+Buswe bwandi bwa ndamatyidile bulādilanga nyeke.+   Boba bobanyongolwele* kudi Yehova banene namino,Boba banyongolwele ku kuboko kwa* walwana,+   Boba baabungile pamo tamba ku matanda,+Ba kutunduka ne kushika,*Ba kungala ne kunshi.+   Badi balumbakana mu ntanda mutuputupu, mu ntanda mudi zolē;Kebatenepo dishinda dyenda mu kibundi mobabwanya kushikata.   Badi na nzala ne kyumwa;Badi* bapungile bukōke.   Badi badidila nyeke Yehova mu tusua twabo;+Nandi webakūla mu makambakano abo.+   Webendeje mu dishinda dyoloke+Bāye mu kibundi mobabwanya kushikata.+   Bantu bafwije’ko Yehova+ pa mwanda wa buswe bwandi bwandamatyidile Ne pa mwanda wa mingilo yandi ya kutendelwa yalongela bana ba bantu.+   Mwanda wapu kyumwa kya bantu*Kadi waikutyija wa nzala* na bintu biyampe.+ 10  Bamo badi mu fukutu bwī,Bakutwe mu malwa ne mu byuma. 11  Mwanda batombokele kinenwa kya Leza;Bapunikile madingi a Mwine wa Peulu Mwine.+ 12  Penepo wafwija mityima yabo bumvu na masusu;+Bakukala, kadi kekwadipo wa kwibakwasha nansha umo. 13  Baabija Yehova mu tusua twabo;Nandi webapandija mu makambakano abo. 14  Webatambija mu fukutu bwī,Watyumuna nkano ya ku maulu abo.+ 15  Bantu bafwije’ko Yehova pa mwanda wa buswe bwandi bwa ndamatyidile+Ne pa mwanda wa mingilo yandi ya kutendelwa yalongela bana ba bantu. 16  Mwanda walala bibelo bya mukubaWatyumuna mikabo ya byuma.+ 17  Badi balembakane, bamona malwa+Pa mwanda wa kujilula kwabo ne bilubo byabo.+ 18  Bajimije buya bwa* byakudya byonso.Bafwenene kubwipi na bibelo bya lufu. 19  Badi babija Yehova mu tusua twabo;Nandi wadi wibapandija mu makambakano abo. 20  Wadi utuma kinenwa kyandi ne kwibondapa+Kadi webakūla mu bīna byobaponene’mo. 21  Bantu bafwije’ko Yehova pa mwanda wa buswe bwandi bwa ndamatyidileNe pa mwanda wa mingilo yandi ya kutendelwa yalongela bana ba bantu. 22  Balambule bitapwa bya kufwija’ko+Ne kusapula mingilo yandi na nsadi ya tusepo. 23  Boba bendanga mu byombo pa dijiba,Basunga pa mema mangimangi,+ 24  Abamone mingilo ya YehovaNe mingilo yandi ya kutendelwa mu mushike;+ 25  Mutetukila kimpumpu kya luvula na kinenwa kyandi,+Kitekuna mantanki a dijiba. 26  Batekukila mūlu;Batokena mu mushike. Bukankamane* bwabo busunguluka pa mwanda wa kyamalwa kyafwena. 27  Balumbakananga ne kulunduka pamo bwa muntu mukolwe,Kadi bwino bwabo bonso i bwa bitupu.+ 28  Penepo badidila Yehova mu tusua twabo,+Nandi webakūla mu makambakano abo. 29  Utalajanga kimpumpu kya luvula;Mantanki a dijiba atalala nyā.+ 30  Basangalanga poatalala,Kadi wibendejanga ku kyabu kyobasaka. 31  Bantu bafwije’ko Yehova pa mwanda wa buswe bwandi bwa ndamatyidileNe pa mwanda wa mingilo yandi ya kutendelwa yalongela bana ba bantu.+ 32  Bamuzunzule mu kipwilo kya bantu,+Kadi bamutendele mu kidye* kya bakulumpe. 33  Walamunanga minonga ke mu ntanda mutuputupuNe masulo a mema ke nshi myūmu tē,+ 34  Ntanda ipa bipa ke ntanda ya mwepo,+Pa mwanda wa bubi bwa boba bashikete’mo. 35  Walamunanga mu ntanda mutuputupu ke bijiba bya mabungu,Ne ntanda myūmu ke masulo a mema.+ 36  Wikadijanga’mo ba nzala,+Amba bashimike kibundi mobabwanya kushikata.+ 37  Bakusanga nkunwa mu madimi ne kudima madimi a mañanza+Apa bipa bya kwangula.+ 38  Wibeselanga bavula bininge;Kalekangapo bañombe babo batyepe.+ 39  Ino batyepanga monka ne kufwijibwa bumvuPa mwanda wa masusu, kyamalwa, ne njia. 40  Upungululanga kafutululo pa ba bulēmeKadi wibalumbakanyanga mu ntanda mutuputupu mwa kubulwa mashinda.+ 41  Ukiñanga* balanda ku malwa+Ne kuvudija bisaka byabo pamo bwa luombe. 42  Boloke swā bamonanga’byo ne kusangala;+Ino bakondame bamumanga byakanwa byabo.+ 43  Yewa ense wa tunangu ukalama bino bintu+Kadi ukabandaula senene bilongwa bya Yehova bya buswe bwa ndamatyidile.+

Kunshi kwa Dyani

Nansha’mba “bobakūdile.”
Nansha’mba “bukomo bwa.”
Nansha’mba “Ba kutambanga dyuba ne kuponanga dyuba.”
Nansha’mba “Muya wabo wadi.”
Nansha’mba “muya mūmu.”
Nansha’mba “muya wa nzala.”
Nansha’mba “Muya wabo washikwa.”
Nansha’mba “Muya.”
Kishima pa kishima i, “kityi.”
Nansha’mba “Utūlanga peulu,” ko kunena’mba, kepafikwapo.