Ñimbo ya Mitōto 106:1-48
106 Tendelai Yah!*
Fwijai’ko Yehova, mwanda i muyampe;+Buswe bwandi bwa ndamatyidile bulādilanga nyeke.+
2 Lelo i ani ubwanya kusapula ne pa mfulo bilongwa bya bukomo bya YehovaNansha kusapula bilongwa byandi byonso bya kutendelwa?+
3 Ba nsangaji i boba balonga bintu na boloke,Balonga nyeke byoloke.+
4 A Yehova, mvuluke kitatyi kyotōkelwa bantu bobe mutyima.+
Nte mutyima na bilongwa byobe bya lupandilo,
5 Nabya nsangele buyampe bolombola batongwe bobe,+Amba nsepelele pamo na muzo obe,Amba nkutendele* koku nkwitemba pamo na bupyani bobe.
6 Tubalonga bubi pamo bwa bakulutuba betu;+Tubaluba; tubalonga bibi.+
7 Bakulutuba betu mu Edipito kebasangedilepo* bilongwa byobe bya kutendelwa.
Kebavulukilepo buswe bobe bungi bwa ndamatyidile,Ino batombokele ku dijiba, ku Dijiba Dityila.+
8 Ino aye webapandije pa mwanda wa dijina dyandi,+Mwanda wa kuyukanya bukomokomo bwandi.+
9 Wafunine Dijiba Dityila, nadyo dyauma;Webapityija mu mushike wadyo pamo bwa mu ntanda mutuputupu;+
10 Webapandije ku kuboko kwa wibashikilwe+Kadi webanyongolola ku kuboko kwa walwana.+
11 Mema apūta bakinkwa nabo;I kutupu nansha umo wapandile’ko.*+
12 Penepo baikala na lwitabijo mu mulao wandi;+Kebamwimbila mitendelo.+
13 Ino bailwa bukidi bonka byaalongele;+Kebailaijepo madingi andi.
14 Baikala na makomwa-meso mu ntanda mutuputupu;+Batompa Leza mu ntanda mutuputupu.+
15 Webapa byobalombele,Kupwa webakupila na kipupo kine kyebakubije.*+
16 Bakwatyilwa Mosesa mukao mu nkambiNe Alone,+ ujila wa Yehova.+
17 Penepo ntanda yashituka, yamina Datani kubyuYapūta ne boba badi bebungile pamo na Abilama.+
18 Mudilo waaka mu kibumbo kyabo;Lubimbi lwaloteja babi.+
19 Balongele kyana kya ñombe mu HolebaKebevukwila nkishi wa kyuma;*+
20 Bashinta ntumbo yamiKu kyelekejo kya ñombe udyanga biyombo.+
21 Bailwa Leza+ Umpandiji wabo,Walongele bintu bikatakata mu Edipito,+
22 Mingilo ya kutendelwa mu ntanda ya Hama,+Bilongwa bilenga nzuba pa Dijiba Dityila.+
23 Wadi kadi pabwipi na kusoñanya batukijibwe fututu,Ino Mosesa mutongwe wandi wamusenga*Amba akankaje bulobo bwandi bonakanya.+
24 Penepo bafutulula ntanda milumbuluke;+Kebadipo na lwitabijo mu mulao wandi.+
25 Badi beuningauninga mu mapema abo;+Kebaivwenepo diwi dya Yehova.+
26 Penepo watulula kuboko kwandi webatyipilaAmba ukebaponeja mu ntanda mutuputupu;+
27 Ukaponeja lutundu lwabo mu mizo,Kadi ukebapalakanya mu matanda onso.+
28 Penepo belunga ku butōtyi bwa* Bāla wa Peole,+Kebadi bitapwa bilambulwe bafwe.*
29 Bamukolomwene na bilongwa byabo,+Ebiya kimpengele kyapona mu bukata mwabo.+
30 Ino Finease pa kwimana walonga’po kintu,Kimpengele kyaimana.+
31 Kadi kyamubadilwe bu bolokeMu nkongo yonso nyeke.+
32 Bamukolomwene ku mema a Mediba,*Ebiya byapityila Mosesa bibi pa mwanda wabo.+
33 Baludije mushipiditu wandi,Nandi wesamba na kansontomokela na milomo yandi.+
34 Kebatukijepo bantu,+Mwebasoñaninye Yehova.+
35 Ino betyanga na mizo+Kebeula* mashinda abo.+
36 Kebengidila bilezaleza byabo,+Nabyo byebekadila bu dikinga.+
37 Badi balambula babo bana bana-balume bu bitapwaNe babo bana bana-bakaji ku bandemona.+
38 Badi bamwanga mashi ampikwa mambo,+Mashi a babo bana bana-balume ne bana-bakajiBobadi balambula ku bilezaleza bya Kenani bu bitapwa;+Ebiya ntanda yaoneka na kumwanga mashi.
39 Baikala ba disubi na mingilo yabo;Balonga busekese bwa ku mushipiditu na bilongwa byabo.+
40 Penepo bulobo bwa Yehova bwaakila bantu bandi,Ebiya washikwa bupyani bwandi.
41 Wadi wibapāna kyaba kyonso ku mizo,+Amba boba bebashikilwe bebabikale.+
42 Balwana nabo bebamwesha malwa,Kadi banekenibwa na bukomo* bwabo.
43 Webakūdile misunsa mingi,+Ino badi batomboka ne kubulwa kukōkela,+Kadi badi bafwijibwa bumvu mwanda wa kilubo kyabo.+
44 Ino aye wadi umona tusua twabo+Ne kwivwana pobalomba bukwashi.+
45 Wadi uvuluka kipwano kyandi pa mwanda wabo,Kadi wadi wivwana lusa,* utononwa na buswe bwandi bwa ndamatyidile bukatampe.*+
46 Wadi ulengeja bebevwanine lusaKudi boba bonso bebakwata bu misungi.+
47 Witupandije, a Yehova Leza wetu,+Kadi witukongakanye ku mizo+Amba tufwije’ko dijina dyobe dijilaNe kusepelela pa kukutendela.*+
48 Yehova, Leza wa Isalela, atendelweNyeke ne nyekeke.*+
Kadi bantu bonso banene amba, “Amena!”*
Tendelai Yah!*
Kunshi kwa Dyani
^ Nansha’mba “Aleluya!” “Yah” i dijina Yehova mu kīpi.
^ Nansha’mba “netumbije pa mwanda obe.”
^ Nansha’mba “kebaivwanijepo nshintulwilo ya.”
^ Nansha’mba “washele’ko.”
^ Nansha’mba “kyakubije muya wabo.”
^ Nansha’mba “nkishi musungululwe.”
^ Kishima pa kishima i, “waimana mu kipunzu ku meso andi.”
^ Nansha’mba “balamata kudi.”
^ Ko kunena’mba, bitapwa bilambulwe ku bantu bafwe nansha ku baleza bampikwa būmi.
^ Ko kushintulula’mba “Kwipotomeja.”
^ Nansha’mba “Kebefunde.”
^ Kishima pa kishima i, “kuboko.”
^ Nansha’mba “wialakanya.”
^ Nansha’mba “bungi.”
^ Nansha’mba “kusepelela mu mitendelo yobe.”
^ Nansha’mba “Tamba nyeke kutūla ku nyeke.”
^ Nansha’mba “Mo monka!”
^ Nansha’mba “Aleluya!” “Yah” i dijina Yehova mu kīpi.
