Ñimbo ya Mitōto 10:1-18
ל [Lamed]
10 A Yehova, mwanda waka wimanine kulampe?
Mwanda waka wifya mu bitatyi bya tusua?+
2 Mubi ulondalondanga mufudile na kibengo,+Ino ukapya mu nkuku yakuta aye mwine.+
3 Mwanda mubi witumbikanga pa bya kusakasaka bya aye mwine*+Kadi weselanga muntu wa makomwa-meso;*
נ [Nun]Upunikanga Yehova.
4 Mu kwizunzula kwandi, mubi kabandaulangapo kintu;Milangwe yandi yonso i ya amba: “Leza kadi’kopo.”+
5 Mashinda andi endekanga biyampe,+Ino butyibi bobe butabukile ñeni yandi;+Aye upunikanga* bakinkwa nandi bonso.
6 Unenanga mu mutyima wandi amba: “Nkikajinapo nansha dimo;*Mwanda mu nkongo ne nkongoNkikamonepo kyamalwa nansha dimo.+
פ [Pe]
7 Kyakanwa kyandi i kiyule mafingo, bubela ne kuzakajañana;+Munshi mwa ludimi lwandi mudi makambakano ne kusanshijañana.+
8 Utengelanga ufyeme kubwipi na bibundi;Wipailanga muntu wampikwa mambo ku kifuko kyandi kya kufyama’mo.+
ע [Ayin]
Meso andi atalanga pa mwanda wa mulanda.+
9 Utengelanga mu kifuko kyandi kya kufyama’mo pamo bwa ntambo udi mu mutá wandi.*+
Utengelanga kukwata mufudile.
Ukwatanga mufudile shi wapi mu bukonde bwandi.+
10 Yewa ukwatwa i musonsakanibwe ne kushindwa panshi;Balanda baponena mu māla* andi.
11 Unenanga mu mutyima wandi amba: “Leza wailwa’ko.+
Watale mpala yandi kungi.
Kamwenepo nansha dimo.”+
ק [Qoph]
12 A Yehova, imana.+ A Leza, olola kuboko kobe.+
Kokilwa bafudile.+
13 Mwanda waka mubi wapunika Leza?
Unenanga mu mutyima wandi amba: “Kukansambijapo.”
ר [Resh]
14 Ino abe umwene makambakano ne tusua.
Utalanga’ko ne kukwata myanda mu makasa.+
Kudi abe ko kuvundamukila mulanda;+Abe wi mukwashi wa mwana wampikwa shandi.*+
ש [Shin]
15 Tyumuna kuboko kwa muntu mubi kadi mutyani,+Amba shi kokimbe bubi bwandi,Kukebutanapo monka.
16 Yehova i Mulopwe nyeke ne nyekeke.+
Mizo ibaoneka pa ntanda.+
ת [Taw]
17 Ino abe ukevwana kulomba kwa betyepeje, a Yehova.+
Ukakomeja mityima+ yabo ne kwibata mutyima bininge.+
18 Ukatyiba mambo a mwana wampikwa shandi ne a boba basonsakanibwe,+Amba muntu wa kufwa wa pa ntanda kakibakwatyija monka moyo.+
Kunshi kwa Dyani
^ Nansha’mba “bya kusakasaka bya muya wandi.”
^ Bibwanika padi i, “Wa makomwa-meso wieselanga aye mwine.”
^ Nansha’mba “witatwilanga.”
^ Nansha’mba “Nkikalundukapo nansha dimo (kutelententa).”
^ Nansha’mba “kivunda kyandi.”
^ Nansha’mba “māla makomokomo.”
^ Nansha’mba “mwanā nshiye.”
