Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Malondololo ku Bipangujo Bimanine pa Bible

Malondololo ku Bipangujo Bimanine pa Bible

Lelo tubwanya kuyuka bubine butala padi Leza?

Mwanda waka Leza witusakilanga tuyuke bubine? Tanga Yoano 17:3

Leza wādi wisamba na bantu. Wāingidija mushipiditu wandi ujila, bukomo bwandi bwingila, mwanda wa kutūla milangwe yandi mu ñeni ya balembi ba Bible. (2 Petelo 1:20, 21) Ubwanya kuyuka bubine butala padi Leza na kutanga Bible.​—Tanga Yoano 17:17; 2 Temote 3:16.

Mu Bible, Leza i musokole’mo bintu bivule bitala padi. I mulombole’mo kine kyaāpangile muntu, byakalongela bantu mu mafuku āya kumeso, ne muswelo waetusakila kwikala na būmi. (Bilongwa 17:24-27) Yehova Leza usakanga tuyuke bubine butala padi.​—Tanga 1 Temote 2:3, 4.

Mwanda waka Leza utambulanga bantu basenswe bubine?

Yehova i Leza wa bubine, kadi wātumine Yesu wandi Mwana mwanda wa kufundija bantu bubine. Nanshi, boba baswele bubine bakokelwanga kudi Yesu. (Yoano 18:37) Leza usakanga bantu ba uno muswelo bamutōte.​—Tanga Yoano 4:23, 24.

Satana Dyabola i mubombole bantu bavule kudi Leza na kusambakanya myanda ya bubela padi Leza. (2 Kodinda 4:3, 4) Boba bantu basenswe bibi basangelanga bufundiji bwa bubela. (Loma 1:25) Ino midiyo ne midiyo ya bantu ba kubulwa budimbidimbi basokolanga bubine butala padi Leza na kwifunda Bible.​—Tanga Bilongwa 17:11.