Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Le Kodi Mumone Dikasa dya Leza mu Būmi Bobe?

Le Kodi Mumone Dikasa dya Leza mu Būmi Bobe?

“Dikasa dya Yehova dikayukwa kudi bengidi bandi.”​—ISAYA 66:14.

ÑIMBO: 65, 26

1, 2. Le bantu bamo balangilanga Leza bika?

BANTU bavule bakulupile’mba bilongwa byabo kebidipo na mwanda kumeso a Leza. Balanga amba na bubine Leza katelepo mutyima ku bintu bibafikila. Kimfwa, pa kupwa kupukuma kimpumpu kikatampe kyaonakenye kipindi kikatampe kya mu Filipine mu Kweji 11, 2013, muledi umo wa kibundi wanenene amba: “Leza i kadidilwa bulanda uyuka wa kubweja’ko ne bukwabo.”

Bantu bakwabo balañanga amba Leza kabwanyapo kumona byobalonga. (Isaya 26:10, 11; 3 Yoano 11) Bantu bamo ba mu mafuku a mutumibwa Polo nabo bādi balanga’nka uno muswelo. Wēbasapwidile amba: “Mokebaitabijijepo kuyuka Leza senene.” Bādi bakondame, ba mutyima umbi, ba makomwa-meso kadi ba bubi.​—Loma 1:28, 29.

3. (a) Le i bipangujo’ka byotufwaninwe kwiipangula? (b) Mu Bible, le “dikasa” dya Leza difunkilanga divule dine pa bika?

3 Le batwe netu? Tuyukile amba Yehova umonanga byonso byotulonga. Ino le tukulupile’mba Yehova witutele mutyima? Le tumonanga bukwashi bwa dikasa dyandi mu būmi bwetu? Mu Bible, “dikasa” dya Leza divule dine difunkilanga pa bukomo  bwandi bwingila. Wingidijanga bukomo bwandi mwanda wa kukwasha bengidi bandi ne kunekenya balwana nandi. (Tanga Kupituluka 26:8.) Yesu wānene amba bantu bamo “bakamonanga Leza.” (Mateo 5:8) Le netu tubadilwa’mo? Le i muswelo’ka otukokeja kumona Leza? Nanshi tubandaulei’ko bidi bimfwa bya mu Bible bya bantu bāmwene dikasa dya Leza mu būmi bwabo ne boba kebēdimwenepo. Ne kadi tusa kubandula muswelo witukwasha lwitabijo tumone dikasa dya Leza.

BĀPELELE KUMONA DIKASA DYA LEZA

4. Mwanda waka balwana na Isalela bāpelele kumona dikasa dya Leza?

4 Pa kala, bantu bavule bādi na mukenga wa kwimwena ne kwimvwana muswelo Leza wādi ukwasha Isalela. Yehova wālongele bingelengele pa kunyongolola bantu bandi mu Edipito ne pa kunekenya balopwe bavule mu Ntanda ya Mulao. (Yoshua 9:3, 9, 10) Nansha balopwe bakwabo byobāivwene ne kumona Yehova mwaādi upandijija bantu bandi, “bebungakenya pamo kulwa na Yoshua ne na Isalela.” (Yoshua 9:1, 2) Pobādi balwa na Isalela, bano balopwe bādi na mukenga wa kumona dikasa dya Leza. Byabuyabuya byālupukile ku bukomo bukatampe bwa Yehova, “dyuba dyaimana ponka ne kweji mwine waikala ponka paadi, poso’nka muzo ne byo welubwidile ao mwine kinongo kya balwana nabo.” (Yoshua 10:13) Inoko Yehova ‘wakomeje mityima,’ ya balwana na Isalela o mwanda bālwile na Isalela. (Yoshua 11:20) Balwana na Isalela bānekenibwe mwanda bāpelele kwitabija’mba Yehova ulwilanga bandi bantu.

5. Lelo Ahaba Mulopwe mubi wāpelele kwitabija bika?

5 Mwenda mafuku, Ahaba Mulopwe mubi wādi na mukenga wa kumona dikasa dya Leza mu bitatyi bivule. Ediya wāmusapwidile amba: “Kekukekalapo lumé nansha mvula ino myaka ino’i, poso nankyo ke kinenwa kyamipo.” (1 Balopwe 17:1) Kino kyādi kya kubwanika enka na dikasa dya Leza, inoko Ahaba kāitabije’byopo. Mwenda mafuku, Ediya wālombele kudi Yehova kadi Leza wāmulondolwele na kutuma mudilo watūka mūlu. Ahaba wēumwene. Kadi, Ediya wasapwila Ahaba amba Yehova usa kupwija mulanga ne mikungulo ya mvula. (1 Balopwe 18:22-45) Ahaba wāmwene bino bingelengele byonso kadi ne pano pene kāitabijepo amba i bukomo bwa Leza bwaamona. Le i ñeni’ka yotuboila ku bino bimfwa? Tufwaninwe kukimba dikasa dya Leza mu būmi bwetu.

BĀMWENE DIKASA DYA YEHOVA

6, 7. Lelo i bika byālongele bene Ngibeone ne Lehaba wāyukile bika?

6 Bene Ngibeone bādi beshile na mizo mikwabo. Bāmwene dikasa dya Leza. Pa kyaba kya kulwa na bene Isalela, bene Ngibeone bāsakile kulonga nabo ndoe. Mwanda waka? Bānene amba i mwanda bāivwene myanda ya Yehova ne byonso byaālongele. (Yoshua 9:3, 9, 10) Kyādi kya tunangu kobadi kuyuka’mba Yehova wālwidile Isalela.

7 Kadi Lehaba wāmwene dikasa dya Yehova. Kadipo mwine Isalela, inoko wāivwene mwanyongolwedile Yehova bantu bandi mu Edipito. Pafikile batubedibedi babidi bene Isalela kwandi, wēbasapwidile amba: “Nayuka Yehova wemupe ntanda ino.” Lehaba wādi ukulupile’mba Yehova ukamupandija aye ne kisaka kyandi. Wāitabije mudi Yehova nansha byaādi uyukile amba kulonga namino i kwitūla mu kyaka.​—Yoshua 2:9-13; 4:23, 24.

8. Le i muswelo’ka wājingulwile bene Isalela bamo dikasa dya Leza?

8 Kwishila na Ahaba Mulopwe mubi, bene Isalela bamo bāmwene mudilo utūka mūlu ulondolola milombelo ya Ediya, bajingulwile’mba i Leza wālonga kino. Baasama mukanwa kebanena amba: “Yehova aye i Leza Yehova aye i Leza.” (1 Balopwe 18:39) Kobādi, kyāmwekele patōka amba abamone bukomo bwa Leza.

9. Lelo tukokeja kumona namani Yehova ne dikasa dyandi mu ano etu mafuku?

 9 Tubatambe kubandaula bimfwa biyampe ne bibi bine bitukwasha twimvwanije mwine mushintulwila “kumona Leza” nansha kumona dikasa dyandi. Pano potwayuka Yehova ne ngikadilo yandi, tubamone dikasa dyandi na ‘meso etu a mutyima.’ (Efisesa 1:18) Kino kitutononanga twiule bantu ba kikōkeji ba pa kala ne ba dyalelo bene bamwene muswelo Yehova wakwashanga bantu bandi. Ino, Le i kika kitulombola amba Leza ukwashanga bantu mu ano etu mafuku?

BUBINGA BULOMBOLA DISAKA DYA LEZA DYALELO

10. Le i bubinga’ka botudi nabo bulombola amba Yehova ukwashanga bantu dyalelo? (Tala kifwatulo ku ngalwilo.)

10 Tudi na bubinga buvule bulombola’mba Yehova wendelelanga kukwasha bantu dyalelo. Divule dine twivwananga myanda ya boba bālombele bukwashi bwa Leza mu būmi bwabo ne muswelo wālondolwelwe milombelo yabo. (Ñimbo 53:2) Kimfwa, Allan paadi usapula pa kakisanga ka mu Filipine wetene na mwana-mukaji umo wadi witompwela. Allan unena byadi bitompwela uno mwana-mukaji amba, “Enka luno lubanga’lu, nadi nombela kudi Yehova amba netane na Batumoni bandi.” Paakidi nkasampe, wefundile Bible na Batumoni, inoko aye pa kusongwa ne kuvilukila pa kisanga waleka’byo kwifunda. Leza walondolwele milombelo yandi bukidibukidi ne kino kyatengele mutyima wandi. Myaka mityetye pa kupita’po, wapāna būmi bwandi kudi Yehova.

11, 12. (a) Le Yehova ukwashanga bengidi bandi namani? (b) Shintulula muswelo Yehova waakweshe kaka umo.

11 Bengidi ba Yehova bavule bamonanga bukwashi bwa dikasa dyandi kitatyi kyobaleka bibidiji bibi pamo bwa kutoma mfwanka, bitomibwa bikolwañana, nansha kutala bifwatulo bya bantu badi mutaka. Bamo banenene amba batompele kwibileka abo bene inoko kebyabwanikilepo. Inoko, pobalombele  bukwashi bwa Yehova, webapele “bukomo butabukile bwikalanga na bantu,” ebiya baleka bibidiji byabo bibi.​—2 Kodinda 4:7; Ñimbo 37:23, 24.

12 Kadi Yehova ukwashanga bengidi bandi bōminine makambakano abo. Kino kyafikile Amy. Watuminwe kukakwasha ku lūbako lwa Njibo ya Bulopwe ne njibo ya ba mishonele pa kakisanga ka Kalunga-lui ka Pasifike. Bintu byadi bishile na kwatamba, divule dine kekwadipo mudilo wa shinga nansha mema, mashinda adi malobele, washile kyandi kisaka kadi wadi ushikete mu kakyumba katyetye ka ku hotela. Difuku dimo, wasanshije kaka umo obadi bengila nandi. Wetopekele pa byaalongele. Paajokele mu kakyumba kandi mufīta, walombela kudi Yehova amukwashe. Ebiya, mudilo wa shinga pa kujoka, watanga kishinte kimo kya mu Kiteba kya Mulami kisambila pa kupebwa kwa mapolome a ku Ngileade. Kishinte kyadi kisambila pa makambakano pamo bwa aadi nao. Unena amba: “Neivwene’mba Yehova wadi wisamba nami mu buno bufuku. Waumpele bukomo bwa kwendelela mu mwingilo wami.”​—Ñimbo 44:25, 26; Isaya 41:10, 13.

13. Lelo i bika bilombola amba Yehova ukwashanga bantu bandi po babingija kyepelo kyabo kya kusapula?

13 Kadi Yehova ukwashanga bantu bandi kubingija ne kulwila myanda miyampe mungya bijila. (Fidipai 1:7) Kimfwa, bakulumpe ba lupusa pobasakile kwimika mwingilo wa busapudi, twakasambile ku kidye. Tamba mu mwaka wa 2000 twabingile mu bidye bikatampe misunsa 268 kujokoloka ntanda yonso, ne misunsa 24 ku Kidye kya Bulaya Kitala Byepelo bya Bantu. Bine, i kimweke patōka’mba i kutupu muntu nansha umo usomonwa kukankaja dikasa dya Leza!​—Isaya 54:17; tanga Isaya 59:1.

14. Lelo i bika bikwabo bilombola’mba Leza udi na bantu bandi?

14 Kusapulwa kwa myanda miyampe pano pa ntanda ponso i bubinga bukwabo bulombola bukwashi bwa dikasa dya Leza. (Mateo 24:14; Bilongwa 1:8) Kadi bumo budi mu bengidi ba Yehova ba mu mizo yonso butambile enka ku bukwashi bwa Yehova. Bine, buno bumo i bwa pa bula! Nansha ke bantu kebatōtangapo Yehova banenanga amba: “Bine Leza udi umbukata mwenu.” (1 Kodinda 14:25) Tudi na bubinga buvule bulombola’mba Leza udi na bantu bandi. (Tanga Isaya 66:14.) Le abe nobe? Le umonanga dikasa dya Yehova mu būmi bobe?

LE KODI MUMONE DIKASA DYA YEHOVA MU BŪMI BOBE?

15. Mwanda waka mu kyaba kimo ketumonangapo dikasa dya Yehova mu būmi bwetu?

15 Kyaba kimo, ketumonangapo disaka dya Leza mu būmi bwetu. Mwanda waka? Kitatyi kyotudi na makambakano mavule, twilwanga amba Yehova wetukweshe bininge mu mafuku kunyuma. Kino kyokyāfikile ne Ediya. Wādi mukankamane, inoko Mulopwe-mukaji Yezebele paāsakile kumwipaya wāzakala. Mu kitatyi kimo, wāidilwe muswelo Yehova waamukweshe mafuku kunyuma. Bible unena amba, Ediya wālomba kufwa. (1 Balopwe 19:1-4) Lelo waātene  bukwashi ne bukankamane kwepi? I kudi Yehova!—1 Balopwe 19:14-18.

16. Lelo i muswelo’ka otukokeja kumona Leza potudi mu makambakano?

16 Yoba nandi wādi ubambidile meso enka pa makambakano andi kamwenepo ngikadilo yaadi’mo na mwadi mwiimwena Yehova. (Yoba 42:3-6) Kyaba kimo, netu tubwanya kukomenwa kumona Leza mwanda wa makambakano etu. Lelo i kika kikokeja kwitukwasha tumone byobya bitulongela Leza? Tufwaninwe kulangulukila pa byobya binena Bible pa makambakano etu. Kadi, Yehova ukekala wa bine kotudi, netu tukanena amba: “Nadi nkwivwana na kutwi bitupu; Ino pano namino dīso dyami dibakumone.”

Lelo Yehova ukwingidijanga ukwashe bakwabo nabo ba mumone? (Tala musango 17, 18)

17, 18. (a) Lelo wamwene namani dikasa dya Yehova mu būmi bobe? (b) Sekununa mwanda mumweke ulombola mwitukwashisha Leza dyalelo.

17 Lelo i muswelo’ka okokeja kumona dikasa dya Yehova mu būmi bobe? Nanshi tubandaulei’ko bimfwa bitano. Kibajinji, ubwanya kumona amba Yehova wakukweshe usokole bubine. Kya bubidi, ubwanya kuvuluka’mba kwenda ku kupwila kwa bwine Kidishitu, kwivwana dishikulu ne kunena amba, “Bino bine, byobyonadi nsakilwa!” Kya busatu, pakwabo wamwene muswelo walondolwele Yehova milombelo yobe. Kya buná, usaka kwingidila Yehova bininge kadi wimumone muswelo wakukweshe ufikile pa kino kitungo. Kya butano, pakwabo walekele kobe kaji mwanda kadi kakudīla kitatyi kya kwingidila Yehova ne kadi wimumone kufikidila kwa mulao wa Leza wa amba: “Nkikakwelapo nansha dimo.” (Bahebelu 13:5) Shi tukomeje kipwano kyetu na Yehova, nabya kiketupēlela kumona dikasa dyandi mu būmi bwetu.

18 Sarah, i kaka wa mu Kenya, unena amba: “Nalombele pa kumona kifundwa kya Bible kyonadi mona’mba kekisangelangapo kwifunda Bible. Nalombele Yehova ndeke kino kifundwa. Ami pa kukala’tu amba ‘Amena,’ waungita ku telefone. Amba ntale nanshi i kifundwa kya Bible kaungipangula shi ubwanya kukapwila nami! Bine, natulumuka!” Shi tulangulukile pa byobya bitulongele Leza, nankyo tukamona bukwashi bwa dikasa dyandi. Rhonna, i kaka umo ushikatanga mu Azia, unena amba bilombanga kitatyi pa kumona muswelo witukwasha Yehova mu būmi bwetu. Ubweja’ko amba: “Mu kakintu konso kolonga, ukasokola Yehova mwaetutelele mutyima bininge!”

19. Le i kintu’ka kyotufwaninwe kulonga pa kumona Leza?

19 Yesu wānene amba boba “bakamonanga Leza” bafwaninwe kwikala “ba mutyima utōka tō.” (Mateo 5:8) Le kino kishintulula bika? Tufwaninwe kulama nyeke milangwe yetu itōka ne kuleka kulonga kintu kyo-kyonso kibi. (Tanga 2 Kodinda 4:2.) Mu kino kishinte tubefunde’mo mwa kumwena Leza, tufwaninwe nyeke kukomeja kipwano kyetu nandi. Mu kishinte kilonda’ko, tukesambila pa muswelo ubwanya kwitukwasha lwitabijo tumone bininge patōkelela dikasa dya Yehova mu būmi bwetu.