Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Malondololo Ku Bipangujo Bimanine Pa Bible

Malondololo Ku Bipangujo Bimanine Pa Bible

Ntanda ya kubulwa’mo bulanda, le i kekala’ko?

Lelo i muswelo’ka Leza wa kapwija bulanda pano pa ntanda?​—Mateo 6:9, 10.

Bulanda bwa posō bwipayanga bantu midiyo ne midiyo mwaka ne mwaka kupityila ku kusakana kwa bidibwa ne bimpengele. Inoko bifuko bikwabo bya ntanda byenda bipetela’ko, kadi kipindi kikatampe kya bantu kikidi mu bulanda bwa posō. Bible ulombola’mba bulanda bukendelela kwikala bu makambakano mu bukata bwa bantu.​—Tanga Yoano 12:8.

Pa kupwa bulanda, kusakilwa umbikalo wa ntanda. Uno umbikalo kadi ufwaninwe kwikala na bukomo bwa kwabanya bintu bikunkane ne kupwija mavita mene alengeja bulanda. Leza i mulaye umbikalo wa ntanda wa uno muswelo.​—Tanga Danyele 2:44.

Le i ani ukokeja kupwa bulanda?

Leza i mutonge Yesu, wandi Mwana kuludika muzo onso wa muntu. (Ñimbo 2:4-8) Yesu ukapwija bulanda ne kutalula’ko kasusu ne butapani.​—Tanga Ñimbo 72:8, 12-14.

Kyālailwe amba Yesu ukekala “Mwana-mulopwe wa ndoe,” ukaleta ndoe ne mutyima-ntenke pano pa ntanda. Penepa muntu yense pano pa ntanda ukekala na njibo yandi, kaji kayampe ne bidibwa.​—Tanga Isaya 9:6, 7; 65:21-23.