Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 MUTWE WA MWANDA WA PA KIBALU | LELO BATUMONI BA YEHOVA I BĀNI?

Mwanda Waka Tusapulanga?

Mwanda Waka Tusapulanga?

I Kutupu kintu kikwabo kitushiañanyanga bininge na mwingilo wetu mukatampe wa busapudi​—bwa ku njibo ne njibo, bwa mu kitango kya bantu, ne bwa kokwa konso kutanwa bantu. Mwanda waka tusapulanga?

Batumoni ba Yehova basapulanga mwanda wa kutumbija Leza ntumbo ne kuyukanya dyandi dijina. (Bahebelu 13:15) Kadi tukōkelanga ku musoñanya wa Yesu wa amba: “Endai mukalonge bana ba bwanga mu bantu ba ku mizo yonso, . . . mwibafundijei kulama byonso byonemusoñenye.”​—Mateo 28:19, 20.

Kadi tusenswe bantu. (Mateo 22:39) Na bubine, tuyukile’mba bantu bavule badi na nkulupilo ya mu byabo bipwilo kadi ke muntu yensepo ubwanya kusangela musapu wetu. Kadi tuyukile amba bufundiji bwa Bible bupandijanga būmi. Kino kyo kine kitutononanga twendelele “ne kuleka’byo mpika kufundija ne kusapula myanda miyampe ya Kidishitu,” na mwādi musapwila bene Kidishitu ba mu myaka katwa kabajinji.​—Bilongwa 5:41, 42.

Antonio Cova Maduro mwifundi wa myanda ya bisaka walembele pa “bukomo ne makambakano anekenya Batumoni ba Yehova pa kwipāna abo bene . . . , amba bino bilembwa bijila bifike ne ku mfulo kwine kwa ntanda.”​—Julunale El Universal, wa mu Venezuela

Bavule batañanga etu mabuku ke Batumonipo ba Yehova. Kadi midiyo ya boba botwifunda nabo Bible badi mu bipwilo byabo. Inoko basangalanga pa kumona Batumoni ba Yehova bebapempula.

Inoko padi, udi na bipangujo bikwabo bitala pa Batumoni ba Yehova. Tukwita utane malondololo na

  • Kwipangula Kamoni umo wa Yehova.

  • Kutwela pa diteba dyetu dya www.jw.org.

  • Kupwila netu ku kipwilo kwine kutwelwanga ku bitupu.