Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 MUTWE WA MWANDA WA PA KIBALU | UKOKEJA KWIKALA PABWIPI NA LEZA

I Kutupu Būmi Buyampe Butabukile Buno

I Kutupu Būmi Buyampe Butabukile Buno

Le i bika byombwanya kulonga pa kusaka amba ngikale pabwipi na Leza? Tubabandaulanga ano matabula abwanya kukukwasha utamije kipwano kya pabwipi nandi:

  1. Kuyuka ne kwingidija dijina dya Leza, Yehova.

  2. Kwisamba nandi kitatyi ne kitatyi kupityila ku milombelo ne ku kwifunda Kinenwa kyandi Bible.

  3. Kulonga nyeke bintu bisangaja Yehova.

Fwena kudi Leza na kwingidija dijina dyandi, kumulomba, kwifunda kinenwa kyandi, ne na kulonga byobya bimusangaja

Kukwatañana na ino myanda, le ubwanya kunena amba uloñanga byobya bisakibwa pa kufwena Leza? Lelo kudi pantu kampanda powamona amba ufwaninwe kwilemununa’po? Na bubine, bilomba kulonga bukomo, ino tala bipa bilupuka’ko.

Jennifer wa mu États-Unis unena’mba, “Bukomo bonso bulongwa pa kutamija kipwano kya pabwipi na Leza ke bwa bitupupo. Kino kipwano kiletanga madyese mavule: lukulupilo lukomo mudi Leza, kwivwanija biyampe bumuntu bwandi, ino kikatampe bininge, tukasanswa Yehova bininge. I kutupu būmi buyampe butabukile buno!”

Shi usaka kwikala mu kipwano kya pabwipi na Leza, Batumoni ba Yehova bakakukwasha na nsangaji. Bakakwata nobe mpangiko ya kwifunda Bible ku bitupu. Kadi tubakwite utanwe ku kupwila kwabo kwimanine pa Bible, ku Njibo ya Bulopwe ya mu kyenu kibundi, kwine kokasamba kipwano na boba badi mu kipwano kiyampe na Leza. * Shi ulonge namino ukeivwana pamo bwa kaimba wa mitōto wānenene amba: “I kinengelele ami kufwena kudi Leza.”—Ñimbo 73:28.

^ mus. 9 Shi usaka kulomba kifundwa kya Bible nansha kuyuka Njibo ya Bulopwe ya kubwipi na kwenu, nankyo wisambe na muntu wakupele dino dipepala nansha kutwela pa Diteba dyetu dya Entelenete dya www.jw.org, kupwa tala mu kamutwe ka mwanda kadi kunshi kwa paje kanena’mba, WITULEMBELE.