Enda ku bidi'mo

Enda ku ntwelelo ya bubidi

Enda ku kifunka

Batumoni ba Yehova

Kiluba

Kiteba kya Mulami  |  Kweji 9 2014

Malondololo ku Bipangujo Bimanine pa Bible

Malondololo ku Bipangujo Bimanine pa Bible

Lelo bamwikeulu bakokeja kwitukwasha?

Monka mobākwashishe Danyele mwingidi wa Leza wa kikōkeji pa kala, bamwikeulu bakwashanga bantu dyalelo bamwene mu myanda miyampe

Yehova Leza wāpangile midiyo ne midiyo ya bamwikeulu kitatyi kilampe kumeso kwa kupanga bantu. (Yoba 38:4,7) Bano bamwikeulu i bipangwa bya ku mushipiditu bidi na bukomo mu mwingilo wa Leza, kyaba kimo wādi wibituma mwanda wa kuludika ne kukinga bengidi bandi pano panshi. (Ñimbo 91:10, 11) Dyalelo bamwikeulu bakwashanga bantu mwanda wa bamwene mu myanda miyampe isapulwa na balondi ba Yesu.—Tanga Kusokwelwa 14:6,7.

Lelo tufwaninwe kulomba bukwashi kudi bamwikeulu? Mhm. Milombelo i kilongwa kya butōtyi, kifwaninwe kulongelwa’nka Leza kete. (Kusokwelwa 19:10) Bamwikeulu byobadi bengidi ba Leza, bakōkelanga ku bulombodi bwandi pa kyaba kya kukōkela ku bwa bantu. O mwanda tufwaninwe kulombela nyeke milombelo yetu enka kudi Leza kupityila kudi Yesu.—Tanga Ñimbo 103:20, 21; Mateo 26:53.

Lelo kudi bamwikeulu babi?

Pamo bwa bantu, bamwikeulu bāpangilwe na bwanapabo bwa kwitongela, kadi babwanya kutonga kulonga biyampe nansha bibi. Ino i kya bulanda, mwanda bamwikeulu bavule bātombokele Leza. (2 Petelo 2: 4) Mubajinji mu bano bamwikeulu i Satana, kadi bakwabo bāmulondele ne kwikala bu bandemona. Bitatyi pa kupita’po, Satana ne bandemona bandi bāpangwa momwa mūlu ne kwelwa pano pa ntanda.—Tanga Kusokwelwa 12: 7- 9.

Bibi ne bupolapola byavudile bininge tamba mu 1914, bilombola’mba Leza usa panopano ponka kwimika mingilo ya Satana ne bandemona. Kupwa Leza ukajokeja ntanda mu ngikadilo ya boloke.—Tanga Kusokwelwa 12:12; 21: 3, 4.