Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Bitungo bidi pamo bwa kufwatula kintu kyokimba kulonga; kupwa wekilonga

 KU BANKASAMPE

12: Bitungo

12: Bitungo

MOBISHINTULWILA

Kitungo i kishile na kilotwa​—kintu kyofwatakanya’mba kikalongeka. Kitungo kya bine kilomba kutandika, kwikala na bujalale, kadi kilombanga kutabula matabula moelondela pa kufikila’po.

Bitungo bikokeja kwikala bya kitatyi kityetye (bilomba’tu mafuku nansha mayenga pa kufikila’po), bya kitatyi kibwanine (bilomba’tu myeji), ne bya kitatyi kilampe (bilomba mwaka umo nansha myaka mivule). Ubwanya kufikila pa bitungo bya kitatyi kilampe na kwitungila bitungo bityebitye bikakukwasha ufikile’po.

MWANDA WAKA KIDI NA MVUBU?

Kufikila pa bitungo kukokeja kukomeja kikulupiji kyobe, kipwano kyobe na bantu, ne kukuvudijija nsangaji.

Kwikulupila: Shi witungila bitungo bityebitye ne kufikila’po, ukekala na kikulupiji kya kwitungila ne bitungo bikatampe. Kadi ukekala na kikulupiji kikatampe polwa na bikoleja bya difuku ne difuku​—pamo bwa kukomena kuningilwa na bakwenu.

Kipwano: Bantu basangelanga kupwana na boba betungile bitungo biyampe​—ko kunena’mba, boba beelela’ko kulonga bintu bibakwasha bafikile’po. Kadi, muswelo muyampe wa kukomeja kipwano, i kwingila na muntu omudi nandi bitungo bimo.

Nsangaji: Shi witungila bitungo ne kufikila’po, ukevwana nsangaji.

“Nsenswe kwitungila bitungo. Binkwashanga mvudilwe bya kulonga ne kumpa mukenga wa kuyuka kintu kyomfwaninwe kufikila’po. Kadi shi ubafikila pa bitungo, biletanga nsangaji pa kuvuluka byowalongele ne kunena’mba, ‘Eyo! Bine neelele’ko! Nafikila pa byonetungīle kulonga.’”​—Christopher.

MUSOÑANYA WA MU BIBLE: “Yewa utentekela luvula kakakunepo, kadi yewa utala makumbi kakangulapo.”​—Musapudi 11:4.

BYA KULONGA

Tabula ano matabula pa kufikila pa bitungo byobe.

Bitungo. Lemba bitungo byobe bya mvubu ne kwibipangika mungya mvubu yabyo​—kupwa utonge byosaka kushilula nabyo dibajinji, dya bubidi, dya busatu, ne bikwabokwabo.

Tandika. Longa bino bintu bilonda’ko pa kitungo ne kitungo:

  • Witungile kitatyi kya kufikila’po.

  • Lemba matabula ofwaninwe kutabula.

  • Witeakanye ku bijika, ne kulangulukila pa muswelo wa kwibinekenya.

Shilula. Kokilaija’nka uyukidije kanda ne kanda ebiya koshilula. Wiipangule amba, ‘Le i kintu’ka kyomfwaninwe kushilula nakyo pa kufikila pa kitungo kyami?’ Kupwa longa’kyo. Ebiya koendelela kuvuija ditabula ne ditabula.

MUSOÑANYA WA MU BIBLE: “Mifwatakanyo ya muntu mupyasakane itwala enka ku bungibungi.”​—Nkindi 21:5.