Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 MUTWE WA MWANDA WA PA KIBALU | BA PA TUBALWE BANÁ—MOTADILWA NA LWENDO LWABO

Motadilwa na Myanda ya ba pa Tubalwe Baná

Motadilwa na Myanda ya ba pa Tubalwe Baná

Abataluka kebenda, papo tubalwe tututula mishindo! Ino myanda ya tubalwe tuná twa bukomo ne boba batentamine’po i mishintululwe senene mu mapaje a mu Bible! Kabalwe kabajinji i katōka tō​—ne utentamine’po i wa ntumbo, mulopwe mupya uvwele kilukwa. Kunyuma kumulonda kabalwe katyila pyā bwa mudilo, utentamine’po i mupebwe lupusa lwa kutalula ndoe pano pa ntanda ponso. Pene kekwibalonda kabalwe ka busatu kafīta fututu, utentamine’po ukwete kipimo kya bulēmi mu dikasa dyandi kyelekeja musapu wa kusakana kwa bidibwa. Kabalwe ka buná i katōkoloka kakuleta bipupo bya misongo bileta lufu kadi utentamine’po witwanga bu Lufu. Ebiya Kibundu, ko kunena’mba kibundu kya bantu bonso, kimulonda pabwipi nandi, kyenda kikubija bantu!​—Kusokwelwa 6:1-8.

“Nazakele ponatangile dibajinji myanda ya ba pa tubalwe baná. Namwene amba Difuku dya Kidye disa kwiya mu kitatyi kyonkiteakenyepo, nkisapo kupanda.”​—Crystal.

“Myanda ya boba baná batentamine pa tubalwe twa misombelo mishileshile yauntulumwije. Ponaivwanije shintulwilo ya kino kimonwa, naitabije amba kidi na buluji kampanda.”​—Ed.

Le nobe wiivwananga na mweivwanine Crystal pa myanda itala ba pa tubalwe baná besambilwe’po mu Kusokwelwa? Nansha le wiivwananga na mweivwanine Ed? Ino myanda ya ba pa tubalwe yālembelwe tamba kala, i myanda iyukene senene itanwa mu Kusokwelwa, mukanda wa mfulo wa mu Bible. Le witabije amba nobe ubwanya kumwena mu kwivwanija kino kimonwa? Muswelo’ka? Leza i mulaye amba ubwanya kutana nsangaji ya binebine na kutanga, kwifunda, ne kulama mu būmi bobe bintu bilembelwe mu uno mukanda wa bupolofeto.​—Kusokwelwa 1:1-3.

Nansha bamo byobakwatwa moyo pa mwanda wa kimonwa kya ba pa tubalwe baná, ino abe kokizakala. Na bubine, bantu midiyo ne midiyo bemwenine amba kino kimonwa kyakomeje lwitabijo lwabo enka ne kwibapa lukulupilo lwa mu mafuku āya kumeso. Nobe ubwanya kwimwena kino! Tukulomba wendelele na kutangila’ko myanda ilonda’ko.