Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Bipangujo bya Batangi

Bipangujo bya Batangi

Shi ba mwana-mulume ne mwana-mukaji bampikwa kwisonga abapityija bufuku pamo mu ngikadilo yampikwa kufwaninwa, lelo i bubi bulomba kubunda komite wa butyibi?

En-en, shi kekudipo bubinga bwendele’mo, nabya komite wa butyibi ukabundwa na kwimanina pa myanda ilombola’mba i kulongwe busekese.—1 Kodinda 6:18.

Kitango kya bakulumpe kibandaulanga mwanda ne mwanda na katentekeji mwa kuyukila shi bilomba kubunda komite wa butyibi. Kimfwa: Le bano ba mwana-mulume ne mwana-mukaji badi kala besenswe? Le kebapebwe monka madingi pa kipwano kyabo? I bika bine byebalengeje bapityije bufuku pamo? Le e byobadi kala balanga kulonga? Lelo badi na mukenga wa kulonga’po kintu, nansha kwadi bubinga bupotoloke, padi mwanda wa mu kitulumukila nansha wa kampeja-bukidi webalengeje bakomenwe kya kulonga ne kupityija bufuku pamo? (Musapudi 9:11) Le balongolwele namani mwa kulādila? Myanda byoilupukanga mu miswelo mishileshile, kubwanya kwikala myanda mikwabo ya mvubu ifwaninwe kubandaulwa na bakulumpe.

Shi myanda ibatōka senene, nabya kitango kya bakulumpe kikakwata butyibi shi bano ba mwana-mulume ne mwana-mukaji bafwaninwe kutwejibwa mu komite wa butyibi.