Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Kenneth Cook, ne wandi mukaji Jamie

Tutu Mupya mu Kitango Kyendeji

Tutu Mupya mu Kitango Kyendeji

DYA Busatu lubanga mafuku 24 Kweji 1, 2018, baelele musapu usangaja mu kisaka kya Betele ya mu États-Unis ne mu Kanada amba: Tutu Kenneth Cook, wabwejibwa mu Kitango Kyendeji kya Batumoni ba Yehova.

Tutu Cook wabutwidilwe ne kutamina mu Pennsylvania, mu États-Unis. Bamufundije bubine kudi mukwabo wa ku masomo kumeso’tu kwa kutambula dipolome dya sekondele, kupwa wabatyijibwa mu mafuku 7 Kweji 6, 1980. Washilula kwingila bu pania wa lonso mu difuku 1 Kweji 9, 1982. Pa kupwa kwingila bu pania myaka ibidi, bamwita ku Betele, washilula mwingilo wa ku Betele mu Wallkill, New York, mu mafuku 12 Kweji 10, 1984.

Myaka 25 yalondele’po, Tutu Cook waingile mingilo mishileshile ku Kitampilo ne ku Bilo ya Betele. Wasonga wandi mukaji Jamie mu 1996, kebengidila pamo ku Betele ya Wallkill. Mu Kweji 12, 2009, batuma ba Tutu Cook ne wandi mukaji ku Kitako kya Bufundiji kya Sosiete Watchtower mu Patterson, mu New York, kwine kwaingile Tutu Cook ku Bilo Itala Myanda ya Mikanda. Mu Kweji 4, 2016, pa kujokela bityetye ku Wallkill, Tutu Cook ne wandi mukaji bebatuma ku Brooklyn, mu New York. Myeji itano pa kupita’po, bebavilwila ku kité kya ntanda ku Warwick, mu New York. Mu Kweji 1, 2017, Tutu Cook watongwa kwingila bu mukwashi mu Komite wa Balembi wa Kitango Kyendeji.