Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 MUTWE WA MWANDA WA PA KIBALU | MĀNGA YA KUPANDA KWA BIBLE

Kine Kyapandile Bible

Kine Kyapandile Bible

Bible i mupande. O mwanda, ubwanya kwikala nandi dyalelo ne kumutanga. Kadi shi utonge bwalamuni buyampe bwa Bisonekwa, ubwanya kukulupila’mba utañanga Bible wa bilembwa bibajinjibajinji. * Ino mwanda waka Bible wapandile nansha byaadi ubwanya koneka ku bintu bya kipangila, ku kutambwa na bukalabale, ne ku kusaka kushinta musapu wandi, ne mwanda waka mānga ya kupanda kwandi ibakutulumuja? Mwanda waka dino dibuku i dya pa bula?

“Pano nakulupila’mba Bible ondi nandi i kyabuntu kitambile kudi Leza”

Befundi bavule ba Bible bafudile ku kunena pamo bwa mutumibwa Polo wāsonekele’mba: “Kisonekwa kyonso i kisonekejibwe na mushipiditu wa Leza.” (2 Temote 3:16) Bakulupile amba Bible wapandile mwanda kyo akyo Kinenwa kya Leza, kadi mwanda Leza wamulamine kufikija ne ku dyalelo. Mfulo mfulō, Faizal utelelwe mu kishinte kibajinji wakwete butyibi bwa kubandaula mumweno wandi na kwifunda Bible. Myanda yaatene’mo yamutulumwije. Bukidibukidi bonka wajingulula’mba mfudijo mivule ya bipwilo bya Kine Kidishitu keidipo mu Bible. Kadi, watengelwe na mpango ya Leza itala ino ntanda idi mu Kinenwa Kyandi.

Unena’mba, “Pano nakulupila’mba Bible ondi nandi i kyabuntu kitambile kudi Leza. Nakampata, Leza byaāpangile diulu ne ntanda, le abulwe’ko bukomo bwa kwitupa dibuku ne kwitulamina’dyo? Kupatanya kino i kutuna bukomo bwa Leza. Kutuna bukomo bwa Mwine Bukomo Bonso​—Le ndi ani ulonga kino kintu?”​—Isaya 40:8.

^ mus. 3 Tala kishinte kinena’mba, “I Muswelo’ka Obwanya Kutonga Bwalamuni bwa Bible Buyampe?” mu Kiteba kya Mulami kya difuku 1 Kweji 5, 2008 mu Falanse.