Enda ku bidi'mo

Batumoni ba Yehova

Tonga Ludimi Kiluba

Lelo Umonanga Bible Namani?

Lelo Umonanga Bible Namani?

Le umumonanga bu . . .

  • dibuku dya tunangu twa bantu?

  • dibuku dya ñano ne mfumo?

  • Kinenwa kya Leza?

 BIBLE UNENA’MBA

“Kisonekwa kyonso i kisonekejibwe na mushipiditu wa Leza.”​—2 Temote 3:16, Bwalamuni bwa Ntanda Mipya.

BYOKAMWENA’MO

Malondololo asangaja ku bipangujo bikatampe bya mu būmi.​—Nkindi 2:1-5.

Bulombodi bukulupilwa bwa mu būmi bwa bukile bukya.​—Ñimbo ya Mitōto 119:105.

Lukulupilo lwa binebine lwa būmi bwa kumeso.​—Loma 15:4.

 LE TUBWANYA BINE KUKULUPILA BYOBYA BINENA BIBLE?

I amo, tala bidi bubinga busatu:

  • Kukwatañana kutulumukwa. Bible wāsonekelwe mu bula bwa myaka 1 600 na kintu kya bantu 40. Bavule mu bano bantu kēbemwenepo nansha dimo. Inoko, Bible yense mutuntulu i mukwatañane, kadi udi na mutwe wa mwanda umo onka!

  • Mānga ya binebine. Balembi bavule ba myanda ya ntanda basenswe kufya kushindwa kwa bantu babo. Ino balembi ba Bible abo bālembele pampikwa kafinda bilubo byabo ne bya mizo yabo.—2 Bilongwa 36:15, 16; Ñimbo ya Mitōto 51:1-4.

  • Bupolofeto bukulupilwa. Bible wālaile konakanibwa kwa kibundi kya kala kya Babiloni, ako papo kukidi myaka 200 kumeso. (Isaya 13:17-22) Kālombwelepo’nka muswelo wādi wa kupona Babiloni, ino wātelele’nka ne dijina dya mushindañani!​—Isaya 45:1-3.

    Bupolofeto buvule bukwabo bwa mu Bible bwāfikidile kamo ne kamo. Mwene netu tufwaninwe kutengela kufikidila kwa Kinenwa kya Leza?​—2 Petelo 1:21.

 LANGULUKA’PO BIDI

Le Kinenwa kya Leza kibwanya kulumbulula būmi bobe muswelo’ka?

Bible ulondolola kino kipangujo mu ISAYA 48:17, 18 ne 2 TEMOTE 3:16, 17.