Enda ku bidi'mo

Batumoni ba Yehova

Tonga Ludimi Kiluba

Le I Ani Mwine Uludika Ntanda?

Le I Ani Mwine Uludika Ntanda?

Le ulanga i . . .

  • Leza?

  • bantu?

  • ani mukwabo?

 BIBLE UNENA’MBA

“Panopantanda ponsololo pēne palēle mudi yewa umbi.”1 Yoano 5:19.

“Mwana Leza wamwekele mwanda wa kōnakanya mingilo ya diabola.”1 Yoano 3:8, Dibuku Dijila.

BYOKAMWENA’MO

Ukayuka kine kikadile’ko makambakano pano pa ntanda.Kusokwelwa 12:12.

Ukekala na bubinga bwa kukulupila’mba, ntanda isa kulumbuluka.1 Yoano 2:17.

 LE TUBWANYA BINE KUKULUPILA BYOBYA BINENA BIBLE?

I amo, tala bidi bubinga busatu:

  • Buludiki bwa Satana ke busa kufula. Yehova usumininwe kufudija lupusa ludi na Satana pa bantu. I mulaye “[kuvutakanya] . . . dyabola” ne kulongolola byonso byonene Satana.Bahebelu 2:14, Mukanda Ukola.

  • Leza i mutonge Yesu Kidishitu aludike ntanda. Yesu i mwishile kulampe kwine na muludiki ntapañani, wa kwisakila wa ino ntanda ya dyalelo. Pa mwanda utala buludiki bwa Yesu, Leza i mulaye amba: “Ukebafwila lusa balanda ne badi makasa . . . Ukakūla muya wabo ku bongojani ne bikungulu bya bulobo.”Mitōto 72:13, 14.

  • Leza kakokejapo kubepa. Bible unena patōkelela amba: “Leza kakokezya po kubepa.” (Bahebelu 6:18, Bisonekwa Bitokele) Shi Yehova walaya kulonga kintu, i pamo’nka na aye wapwa kulonga’kyo! (Isaya 55:10, 11) “Mulopwe wa panopantanda ukapangwapo.”Yoano 12:31.

 LANGULUKA’PO BIDI

Le ntanda ikekala namani shi mulopwe wayo watalulwa’ko?

Bible i mulondolole kino kipangujo mu MITŌTO 37:10, 11 ne KUSOKWELWA 21:3, 4.