Enda ku bidi'mo

Enda ku ntwelelo ya bubidi

Batumoni ba Yehova

Kiluba

I Bika Biletanga Nsangaji mu Kisaka?

I Bika Biletanga Nsangaji mu Kisaka?

Le ulanga i . . .

  • buswe?

  • lupeto?

  • kintu kikwabo?

 BIBLE UNENA’MBA

“Badyese ne dyese, i bakwivwana uno mwanda wa Leza, ne kulama balame’o.”—Luka 11:28, Mukanda Ukola.

BYOKAMWENA’MO

Kwisanswa kwa bine.Efisesa 5:28, 29.

Kwilēmeka bya binebine.Efisesa 5:33.

Kwikala na mutyima-ntenke wa binebine.Mako 10:6-9.

 LE TUBWANYA BINE KUKULUPILA BYOBYA BINENA BIBLE?

I amo, tala bidi bubinga bubidi:

  • Leza ye Mushiludi wa kisaka. Bible unena’mba kudi Yehova Leza “ko kwainikilwe misaka yonso.” (Efisesa 3:14, 15) Ko kunena’mba, shi kudi kisaka, i mwanda Yehova ye wēkipangile. Mwanda waka kuyuka kino kudi na mvubu?

    Languluka bidi: Shi udya bidibwa bitobala ne usaka kuyuka bisombelwa byobelele’mo, le i ani okepangula? Na bubine, ukepangula yewa utekele’byo.

    Mo monka ne pa kusokola bine bileta nsangaji mu kisaka, tufwaninwe kwipangula Yehova, mwine Mushiludi wa mpangiko ya kisaka.Ngalwilo 2:18-24.

  • Leza wimutele mutyima. Bisaka bifwaninwe kukimba madingi a Yehova, aletele mu Kinenwa kyandi. Mwanda waka? “Ke-muntu aye wimutele mutyima.” (1 Petelo 5:6, 7) Yehova wimusakilanga mwikale biyampe—kadi madingi andi akwashanga nyeke!Nkindi 3:5, 6; Isaya 48:17, 18.

 LANGULUKA’PO BIDI

Le ukalonga bika pa kwikala mulume, mukaji, nansha mbutwile muyampe?

Bible i mulondolole kino kipangujo mu EFISESA 5:1, 2 ne KOLOSE 3:18-21.