Enda ku bidi'mo

Batumoni ba Yehova

Tonga Ludimi Kiluba

Le Umonanga Būmi bwa Kumeso Namani?

Le Umonanga Būmi bwa Kumeso Namani?

Le ino ntanda . . .

  • ikekala’nka uno muswelo?

  • ikabipila’ko?

  • ikalumbuluka?

 BIBLE UNENA’MBA

“Leza ukapampula impolo yonso mu meso abo; ne lufu nalo kelukēkalakopo dikwabo kadi, mhm, nansha kuyoyokota miyoa, nansha kudila kwine, nansha misongo mīne mpika. Bintu bibajinji bibatukidila.”—Kusokwelwa 21:3, 4, Mukanda Ukola.

BYOKAMWENA’MO

Mingilo miyampe kadi isangaja.—Isaya 65:21-23.

Kubela ne masusu a miswelo yonso ke kutupu’byo.—Isaya 25:8; 33:24.

Nsangaji ne būmi bwa nyeke pamo na kisaka ne balunda.—Mitōto 37:11, 29.

 LE TUBWANYA BINE KUKULUPILA BYOBYA BINENA BIBLE?

I amo, tala bidi bubinga bubidi:

  • Leza udi na bukomo bwa kufikidija mulao wandi. Mu Bible, Yehova Leza kete ye utelwa bu “Mwinebukomobonso,” mwanda udi na bukomo kebudi mpwilo. (Kusokwelwa 15:3) O mwanda ubwanya kufikidija mulao wandi wa kwalamuna ntanda yetu ke milumbuluke. Bible mwine unena’mba, “kudi Leza i kilongelonge’tu kekudi kya kumukomena.”—Mateo 19:26.

  • Leza usaka kufikidija mulao wandi. Kimfwa, Yehova ‘uloelelwe’ kujokeja ku būmi boba bafwile.—Yoba 14:14, 15.

    Kadi Bible unena’mba, Yesu Mwanā Leza wābelwile babela. Mwanda waka wēbabelwile? Mwanda nandi wāsakile kwibabelula. (Mako 1:40, 41) Yesu wāmwekeje mu muswelo mubwaninine ngikadilo ya Shandi na kusaka kukwasha boba basakilwa bukwashi.—Yoano 14:9.

    Nanshi tubwanya kukulupila amba, Yehova ne Yesu basakanga kwitukwasha tukekale na būmi bulumbuluke!—Mitōto 72:12-14; 145:16; 2 Petelo 3:9.

 LANGULUKA’PO BIDI

Lelo Leza ukalumbulula ino ntanda yetu namani?

Bible i mulondolole kino kipangujo mu MATEO 6:9, 10 ne DANYELE 2:44.