Enda ku bidi'mo

Batumoni ba Yehova

Tonga Ludimi Kiluba

Lelo Bulopwe bwa Leza I Bika?

Lelo Bulopwe bwa Leza I Bika?

Le abe amba i . . .

  • kintu kidi mu mutyima obe?

  • muneneno’tu wa kyelekejo?

  • umbikalo udi momwa mūlu?

 BIBLE UNENA’MBA

“Leza wa mūlu ukemika bulopwe kebukonakanibwapo nansha dimo.”—Danyele 2:44, Bwalamuni bwa Ntanda Mipya.

“Mwana mwana-mulume i mwitupebwe; kadi bubikavu bukekala pa kipuji kyandi.”—Isaya 9:6; kunshi kwa dyani.

BYOKAMWENA’MO

 LE TUBWANYA BINE KUKULUPILA BYOBYA BINENA BIBLE?

I amo, tala bidi bubinga bubidi:

  • Yesu wālombwele byobya bikalonga Bulopwe bwa Leza. Yesu wāfundije balondi bandi kulomba Bulopwe bwa Leza bwiye ne kiswa-mutyima kya Leza kilongeke pano pa ntanda. (Mateo 6:9, 10) Kadi Yesu wālombwele muswelo ukalondololwa ino milombelo.

    Yesu paādi pano pa ntanda, wādishishe banzala, wābelula babela ne kusangula bafwe! (Mateo 15:29-38; Yoano 11:38-44) Byadi Mulopwe wa Bulopwe bwa Leza wa mu mafuku a kumeso, Yesu wāletele ntompejo milumbuluke ya byobya bikalongela Bulopwe babikalwa babo.—Kusokwelwa 11:15.

  • Ngikadilo ya ntanda ilombola’mba Bulopwe bwa Leza busa kwiya panopano ponka. Yesu wālaile’mba kumeso’tu kwa Bulopwe kuleta ndoe pano pa ntanda, pakekala bidi mavita, bipupo bya nzala ne kutenkana kwa ntanda.—Mateo 24:3, 7.

    Twimwenanga bino bintu dyalelo. O mwanda tubwanya kukulupila’mba, Bulopwe bwa Leza busa panopano ponka kupwa ano makambakano onso’a.

 LANGULUKA’PO BIDI

Lelo būmi bukekala namani mu buludiki bwa Bulopwe bwa Leza?

Bible ulondolola kino kipangujo mu ÑIMBO YA MITŌTO 37:29 ne ISAYA 65:21-23.