Enda ku bidi'mo

Enda ku ntwelelo ya bubidi

Enda ku kifunka

Batumoni ba Yehova

Kiluba

Teja Leza Amba Wikale Mūmi Nyeke

 KIPINDI 1

Le Tutejanga Leza Namani?

Le Tutejanga Leza Namani?

Leza wisambanga netu kupityila ku Bible. 2 Temote 3:16

Leza wa bine wāludikile bantu basoneke milangwe yandi mu dibuku dimo dijila. Dino dibuku i Bible. Mudi myanda ya kamweno ikusakila Leza uyuke.

Leza uyukile byonso bitufwaninwe, kadi ye Nsulo ya tunangu tonso. Shi umuteje, usa kwikala wa ñeni bya binebine.Nkindi 1:5.

Leza usakanga muntu yense pano pa ntanda atange Bible. Pano Bible udi mu ndimi mivule.

Shi usaka kuteja Leza, ufwaninwe kutanga Bible ne kumwivwanija.

 Konsokonso bantu batejanga. Mateo 28:19

Batumoni ba Yehova bakakukwasha wivwanije Bible.

Bafundijanga bubinebine butala padi Leza pano pa ntanda ponso.

Kukafutapo kantu nansha kamo pangala pa buno bufundiji. Kadi ukokeja kwifunda myanda itala padi Leza ku Njibo ya Bulopwe ya Batumoni ba Yehova mu kyenu kibundi.