Enda ku bidi'mo

Enda ku ntwelelo ya bubidi

Enda ku kifunka

Batumoni ba Yehova

Kiluba

Teja Leza Amba Wikale Mūmi Nyeke

 KIPINDI 3

Lelo Būmi Bwādi Namani mu Paladisa?

Lelo Būmi Bwādi Namani mu Paladisa?

Yehova wāpele ba Adama ne Eva bintu bivule biyampe. Ngalwilo 1:28

Yehova wāpungile Eva, mwana-mukaji mubajinji, ne kupa’ye Adama ke mukaji wandi.Ngalwilo 2:21, 22.

Yehova wēbapangile na imbidi ne ñeni mibwaninine, pampikwa bulema.

Budimi bwa Edena kyo kyādi kīkalo kyabo—kifuko kilumbuluke mpata kyādi’mo minonga, mityi ya bipa ne banyema.

Yehova wādi wisamba nabo; wibafundija. Shi bāmutejeje, longa bāikele na būmi bwa nyeke mu Paladisa pano pa ntanda.

 Leza wāpeleje kudya ku mutyi umo. Ngalwilo 2:16, 17

Yehova wālombwele ba Adama ne Eva mutyi umo wa mu budimi ne kwibanena amba shi badye’ko, bakafwanga.

Mwikeulu umo wātombokēle Leza. Uno mwikeulu mubi i Satana Dyabola.

Satana kādipo usaka ba Adama ne Eva bakōkele Yehova. O mwanda wāingidije nyoka pa kusapwila Eva amba shi adye kipa kya ku uno mutyi, kakafupo, ino ukekala pamo bwa Leza. Na bubine, buno i bubela.Ngalwilo 3:1-5.