Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 KIFUNDWA 1

Le Myanda Miyampe I Myanda’ka?

Le Myanda Miyampe I Myanda’ka?

1. Le i myanda’ka itamba kudi Leza?

Leza usakanga bantu basangele būmi pano pa ntanda. Wāpangile ntanda ne byonso bidi’po mwanda wa kuswa kwaswele bantu. Panopano ponka usa kuletela bantu ba mu matanda onso būmi bulumbuluke. Ukanyongololanga bantu ku bintu bilengeja masusu.Tanga Yelemia 29:11.

I kutupu umbikalo ubwenye kupwa bukalabale, misongo ne lufu. Ino kudi myanda miyampe. Panopano Leza usa kupingakanya maludiki onso a bantu na umbikalo wandi. Babikalwa bandi bakekala na ndoe kadi bakomo ku ngitu.Tanga Isaya 25:8; 33:24; Danyele 2:44.

2. Mwanda waka myanda miyampe i ya kampeja-bukidi?

Masusu akapwa’nka pakatalula Leza babi pano pa ntanda. (Zefenia 2:3) Le ukebatalula kitatyi’ka? Kinenwa kya Leza kyālaile kala ino ngikadilo ikambakanya muzo wa muntu. Myanda ilongeka dyalelo ilombola’mba kitatyi kya Leza kupwa masusu kibafwena.Tanga 2 Temote 3:1-5.

3. Le i bika byotufwaninwe kulonga?

Tufwaninwe kwifunda myanda itala padi Leza mu Kinenwa kyandi, Bible. Bible udi pamo bwa mukanda witutumīne mbutwile wa buswe. Witulombola mwa kwikadila na būmi bwa nsangaji dyalelo ne mwa kukamwena būmi bwa nyeke mu mafuku a kumeso. Shako bamo kebakasangalapo kukumona bakukwasha wimvwanije Bible. Inoko būmi bwa kumeso bulaile Leza i bulumbuluke mpata bokufwaninwepo kubulwa.Tanga Nkindi 29:25; Kusokwelwa 14:6, 7.