Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Ntanda Ke Paladisa

Ntanda Ke Paladisa

Yehova ukatalulanga lonso bibi byonso bilongelwe na Satana. Yehova imutūle Yesu bu Mulopwe wa ntanda yonso. Munshi mwa buludiki bwandi, ntanda ikekalanga ke paladisa.​—Danyele 7:13, 14; Luka 23:43.

Yehova imulae bino bintu:

  • BIDIBWA BIVULE: “Ntanda ībapana bivule byayo; Leza, ke Leza wetu, bātwe bene kadi, uketweselanga dyese.” “Kukēkalanga bungibungi bwa mebele panopantanda peulu pa ngulu.”​—Mitōto 67:6; 72:16.

  • MAVITA KE KUTUPU’O: “Iyai, mubandile mīngilo ya Yehova, yō! ke musala o wasala panopanshi! Watukija mavita ne ku mfulo ya ntanda.”​—Mitōto 46:8, 9.

  • BANTU BABI KE KUTUPU’BO: “Mwanda bakulonga bibi bakatyibwako . . . Ke-kuntu kukidi bidi kitatyi kityetye, ne mubi ukēkala kutupu’ye; eyo i binebine, ukafwatakanya biyampe pantu pandi, ukēkalanga kutupu’ye.”​—Mitōto 37:9, 10.

  •  MISONGO, MASUSU, NE LUFU KE KUTUPU’BYO: “Penepa kadi meso a bampofu akapūtulwa, ne matwi a babitwi akajikulwa. Ponkapo usunkuta ukatumbuka’nka bwa kasha kalume, ne ludimi lwa kamama lukembanga.”​—Isaya 35:5, 6.

    “Ne Leza mwine ukēkala nabo, ke Leza wabo kadi. Kadi Leza ukapampula impolo yonso mu meso abo; ne lufu nalo kelukēkalakopo dikwabo kadi, mhm, nansha kuyoyokota miyoa, nansha kudila kwine, nansha misongo mīne mpika. Bintu bibajinji bibatukidila.”​—Kusokwelwa 21:3, 4.

Yehova kabepangapo nansha dimo, na mubepela Satana ne bandemona. Bintu byonso byalaile bikafikidilanga bine. (Luka 1:36, 37) Yehova ukusenswe ne ukusakilanga ukekale mu Paladisa yakatulako. Shi kepano, kimba Batumoni twa Yehova mwanda wa wifunde bintu bivule bitala pa bubinebine bwa kutendelwa budi mu Kinenwa kya Leza. Shi ushilule kwingidija bubinebine mu būmi bobe, ukanyongololwa mu lupungu lwa bubela, lwa kabutyi-butyi, ne mu kubulwa kuyuka bubinebine. Kupwa, ukokeja kukanyongololwa nansha ke mu lupungu lwa bubi ne lufu. Ka na mwekinenene Yesu’mba: ‘Kuyūka mukayūkidijanga bubinebine, nabo bukemunyongolola ke mudi bānapabo.’​—Yoano 8:32.