Enda ku bidi'mo

Enda ku ntwelelo ya bubidi

Batumoni ba Yehova

Kiluba

Le Masusu Akapwa?

Le Masusu Akapwa?

Le abe amba . . .

  • eyo?

  • mhm?

  • padi?

 BIBLE UNENA’MBA

“Leza ukapampula impolo yonso mu meso abo; ne lufu nalo kelukēkalakopo dikwabo kadi, mhm, nansha kuyoyokota miyoa, nansha kudila kwine, nansha misongo mīne mpika.”Kusokwelwa 21:3, 4Mukanda Ukola.

BYOKAMWENA’MO

Kikulupiji kya amba ke Lezapo ulengeja masusu etu.Yakoba 1:13.

Ukasengibwa pa kuyuka’mba Leza nandi bimusansanga paetumona tususuka.Zekadia 2:8.

Lukulupilo lwa amba masusu onso asa kupwa.Mitōto 37:9-11.

 LE TUBWANYA BINE KUKULUPILA BYOBYA BINENA BIBLE?

I amo, tala bidi bubinga bubidi:

  • Leza ushikilwe masusu ne bukondame. Langulukila pa muswelo wēivwene Yehova pādi pasusulwa bibi bantu bandi ba mu bitatyi byāsonekelwe Bible. Bible unena’mba, byāmusense mwanda wa boba bāikele “kwibalemēnena.”Batyibi 2:18Mukanda Ukola.

    Leza ufityilwanga boba basanshija bakwabo. Kimfwa, Bible unena’mba “makasa amwanga mashi ampikwa mambo” i a munyanji kwadi.Nkindi 6:16, 17.

  • Leza utele muntu ne muntu mutyima. Ke’nkapo muntu ne muntu uyukile “kipupo kyandi, muntu kyandi kipupo muntu kyandi kipupo, ne misongo” yandi, ino Yehova nandi uyukile’byo!2 Bilongwa 6:29, 30.

    Panopano ponka, Yehova usa kufundula’ko masusu a bantu bonso kupityila ku Bulopwe bwandi. (Mateo 6:9, 10) Pano’ko bidi, useñanga na lusa boba bamukimba bya binebine.Bilongwa 17:27; 2 Kodinda 1:3, 4.

 LANGULUKA’PO BIDI

Mwanda waka Leza ulekele’ko masusu?

Bible i mulondolole kino kipangujo mu LOMA 5:12 ne 2 PETELO 3:9.