Enda ku bidi'mo

Enda ku ntwelelo ya bubidi

Enda ku kifunka

Batumoni ba Yehova

Kiluba

Le I Bāni Balonga Kiswa-Mutyima kya Yehova Dyalelo?

 KIFUNDWA 19

Le Umpika Mukōkele ne Mudyumuke I Ani?

Le Umpika Mukōkele ne Mudyumuke I Ani?

Batwe bonso tumwenanga mu bidibwa bya ku mushipiditu

Yesu, kumeso kwa kufwa, wēsambile pafula na bana bandi ba bwanga baná—ba Petelo, Yakoba, Yoano, ne Andele. Yesu pa kulaya kiyukeno kikayukanya kwikala’po kwandi mu mafuku a mfulo, wāipangwile kipangujo kya mvubu amba: “Na bubine, le umpika mukōkele ne mudyumuke i ani le, utongelwe na Mfumwandi kulama bengidi bandi ba mu njibo, kwibapa byakudya byabo pa kitatyi kifwaninwe?” (Mateo 24:3, 45; Mako 13:3, 4) Yesu wākulupije bandi bana ba bwanga amba, byadi ‘Mfumwabo,’ wadi wa kutonga bantu bamo ba kupa nyeke balondi bandi bidibwa bya ku mushipiditu mu kitatyi kya mfulo. Le i bāni badi ba kubadilwa mu uno umpika?

I kakisumpi ka balondi bashingwe māni ba Yesu. Uno “umpika” uyukene patōka amba i Kitango Kyendeji kya Batumoni ba Yehova. Upānga batōtyi nandi ba Yehova bidibwa bya ku mushipiditu pa kitatyi kifwaninwe. Tutalanga’nka uno umpika mukōkele etupe nyeke “kipimo [kyetu] kya byakudya pa kitatyi kifwaninwe.”Luka 12:42.

Ulamanga ba mu njibo ya Leza. (1 Temote 3:15) Yesu wāpele umpika mwingilo ulēma wa kulama mwingilo wingilwa na kipindi kya pano panshi kya bulongolodi bwa Yehova—kutala bingidilwa bidi’mo, kwendeja mwingilo wa busapudi, ne kwitufundija kupityila ku kipwilo. O mwanda, pa kwitupa byobya byotusakilwa mu kitatyi kifwaninwe, “umpika mukōkele ne mudyumuke” wabanyanga bidibwa bya ku mushipiditu kupityila mu mabuku otusapulanga nao, ne kupityila ku mpangiko ipitanga ku kupwila ne ku bitango byetu.

Uno umpika i mukōkele ku bubine bwa mu Bible ne ku mwingilo wapelwe wa kusapula myanda miyampe, kadi i mudyumuke mu muswelo walama senene tumweno twa Kidishitu tudi pano pa ntanda. (Bilongwa 10:42) Yehova weselanga mwingilo wandi na kubweja bantu ne bidibwa bya ku mushipiditu.Isaya 60:22; 65:13.

  • Lelo i ani utongelwe na Yesu kudisha bandi bana ba bwanga ku mushipiditu?

  • Lelo umpika i mukōkele ne mudyumuke mu buluji’ka?