Enda ku bidi'mo

Enda ku ntwelelo ya bubidi

Enda ku kifunka

Batumoni ba Yehova

Kiluba

Le I Bāni Balonga Kiswa-Mutyima kya Yehova Dyalelo?

 KIFUNDWA 9

I Muswelo’ka Muyampe Otubwanya Kuteakanya Kupwila?

I Muswelo’ka Muyampe Otubwanya Kuteakanya Kupwila?

Kambodje

Ikrene

Shi wifundanga Bible na Kamoni wa Yehova, padi wikalanga uteakanya kumeso kwa kitatyi byobya byomukefunda. Pa kumwena ne pa mfulo mu kupwila napo, i biyampe kwiteakanya kumeso kwa kitatyi. Tukamwena’mo mpata shi kwiteakanya kubaikala ke kibidiji kyetu.

Tonga’ko kitatyi ne kifuko kwa kwifundila. Le i kitatyi’ka kyokukokejapo kupuakanibwa? I lubanga na futwi kumeso kwa kushilula mingilo’ni, nansha i kabufuku pekalanga bana ke balāle? Nansha shi kudipo na kitatyi kivule kya kwifunda, witūdile’ko kitatyi kampanda, kadi kokaleka kintu nansha kimo kikupuakanye. Kimba pantu pampikwa lunwa, talula byonso bileta kilabi na kubula ladiyo, televijo, ne telefone. Kulombela kumeso kwa kwifunda kukakukwasha utyepeje njia yodi nayo mu difuku’dya mwa kutela mutyima’nka ku Kinenwa kya Leza.Fidipai 4:6, 7.

Shika myanda mikatampe ne kuteakanya kilondololwa. Shilula bidi kwivwanija mwanda onso. Langulukila pa mutwe wa mwanda wa kishinte nansha wa shapita, ne kumona mukwatañenine tumitwe twa myanda na mwanda mwine, ne kubandaula bifwatulo byonso ne bipangujo bya kupituluka bitōkeja myanda mikatampe. Kupwa tanga musango ne musango, ne kukimba kilondololwa kya kipangujo. Tala bisonekwa bitelelwe ne kwibitanga, ne kumona mobikwatañenine na myanda. (Bilongwa 17:11) Shi ubasokola kilondololwa kya kipangujo, shika nansha kupenta bishima bikatampe bibala-binga nansha binenwa bidi mu musango bikalengeja uvuluke kilondololwa. Shi ubafika ku kupwila, ukokeja kwela kuboko mūlu shi uswile ne kulondolola’po bityetye mu bishima bya abe mwine.

Shi ubandaula myanda palapala yomwifunda yenga ne yenga ku kupwila, ukabweja myanda mipya mu “byabulēme” byobe bya buyuki bwa mu Bible.Mateo 13:51, 52.

  • I muswelo’ka okekala na kibidiji kya kuteakanya kupwila?

  • Le uketeakanya namani mwa kulondolwela ku kupwila?