Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Le Nobe Ukalonga Kiswa-Mutyima kya Yehova?

Le Nobe Ukalonga Kiswa-Mutyima kya Yehova?

Ubafu’ko pa kwitūdila kowetūdila’ko kitatyi kya kubandaula kino kitabo mwanda wa kuyuka mwikadile Batumoni ba Yehova, kwifunda byotulonga, ne mwingidila bulongolodi bwetu. Tukulupile amba kino kibakukwasha witujingulule amba twi bantu balonga kiswa-mutyima kya Yehova dyalelo. Tukukankamika wendelele kuyuka Leza, kusapwila ba mu kisaka kyenu ne balunda nobe byobya byowifunda, ne kupwila netu kitatyi kyonso.—Bahebelu 10:23-25.

Ukamona’mba poenda uyukila’ko Yehova senene, po pene ukajingulula’mba nandi ukusenswe binebine. Penepo mutyima obe keukabulwepo kukutonona nobe umusanswe. (1 Yoano 4:8-10, 19) Ino le ukalombola namani amba umusenswe difuku ne difuku? Mwanda waka kukōkela mbila yandi ya mu mwikadilo kudi na kamweno kodi? Ne i bika bikakukwasha usangele kulonga netu kiswa-mutyima kya Leza? Yewa omwifundanga nandi Bible ukasangela kusokola pamo nobe malondololo, amba abe ne kisaka kyobe “mwilame mu buswe bwa Leza, . . . pa mwanda wa būmi bwa nyeke.”—Yude 21.

Tudi na nsangaji ya kukulomba wendelele kumeso mu dino dishinda dya bubine na kwifunda kitabo ‘Mwilamei mu Buswe bwa Leza’.