Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 KIFUNDWA 15

Le Bakulumpe Bengilanga Namani mu Kipwilo?

Le Bakulumpe Bengilanga Namani mu Kipwilo?

Felande

Ufundija

Ukumba

Usapula

Mu bulongolodi bwetu ketudipo na bendeji ba kipwilo bafutwa lupeto. Ino, monka mobyāikadile pāshilwile kipwilo kya bwine Kidishitu, kutoñwanga batadi babwenye bisakibwa ba ‘kukumba kipwilo kya Leza.’ (Bilongwa 20:28) Bano bakulumpe i bana-balume batame ku mushipiditu, batangidile kipwilo ne kwikikumba, “ke na kuningilwapo, aa, ino i na mutyima tō ku meso a Leza; ke na kusanswapo kamweno ka budimbidimbi, ino i pampikwa nsengwa.” (1 Petelo 5:1-3) Le betulongelanga bika?

Betutele mutyima ne kwitukinga. Bakulumpe bendejanga ne kukinga kipwilo ku mushipiditu. Byobayukile uno mwingilo mukatampe wibapelwe, o mwanda bakulumpe kebabikadilangapo bantu ba Leza, ino basakanga twikale biyampe ne na nsangaji. (2 Kodinda 1:24) Monka mwikadilanga mukumbi uta mutyima mukōko ne mukōko, bakulumpe nabo baloñanga bukomo bwa kuyuka muntu ne muntu mu kipwilo.—Nkindi 27:23.

Betufundijanga mwa kulongela kiswa-mutyima kya Leza. Yenga ne yenga, bakulumpe bemaninanga kupwila kwa pa kipwilo mwanda wa kukomeja lwitabijo lwetu. (Bilongwa 15:32) Bano bana-balume bepāne batangidilanga ne mwingilo wa busapudi, bengila netu pamo ne kwitulombola mwa kusapwila mu miswelo yonso.

Bakankamikanga muntu ne muntu. Pa kukankamika muntu ne muntu apwane na Leza, bakulumpe pa kipwilo bakokeja kwitupempula ku njibo yetu nansha ku Njibo ya Bulopwe mwanda wa kwitukwasha ne kwitusenga na Bisonekwa.—Yakoba 5:14, 15.

Kutentekela pa mwingilo wabo mu kipwilo, bakulumpe bavule badi na twaji ne bisaka bibalomba kitatyi ne kuta mutyima. Bine tufwaninwe kulēmeka bano batutu bengila bininge.—1 Tesalonika 5:12, 13.

  • Le i mwingilo’ka wingilanga bakulumpe pa kipwilo?

  • Le bakulumpe batanga muntu ne muntu mutyima muswelo’ka?