Enda ku bidi'mo

Enda ku ntwelelo ya bubidi

Enda ku kifunka

Batumoni ba Yehova

Kiluba

Le I Bāni Balonga Kiswa-Mutyima kya Yehova Dyalelo?

 KIFUNDWA 6

Tumwenanga Namani mu Kipwano na Banabetu Bene Kidishitu?

Tumwenanga Namani mu Kipwano na Banabetu Bene Kidishitu?

Madagaskar

Norveje

Lebanona

Itadi

Tupwilanga nyeke nansha shi bitulomba kutyibuluka dito, nansha shi kudi mvula ne dyuba disansa. Mwanda waka Batumoni ba Yehova baloñanga bukomo bwa kwitana na banababo mu lwitabijo nansha byobadi na makambakano ne bukōke bwa twaji mu būmi bwabo?

I mwanda wa kamweno ketu. Polo, paādi wisambila pa bantu botupwilanga nabo mu kipwilo, wālembele amba, “twitei mityima batwe bene na bene.” (Bahebelu 10:24) Uno muneneno udi na buluji bwa “kulanga na katentekeji pa,” ko kunena’mba kwiyuka batwe bonso. Nanshi binenwa bya mutumibwa bitukankamika twikale kubanga bakwabo. Shi twiyuke na bisaka bya bene Kidishitu, tukamona amba bamo banekenye makambakano adi pamo na etu ne amba bakokeja kwitukwasha twiakomene.

I mwanda wa kuningija kipwano kyetu. Boba botupwilanga nabo ke bantupo botwiyukile nabo bitupu, ino i balunda ba pa mutyima. Kyaba kikwabo tushikatyilanga pamo mwanda wa kwipwija mukose biyampe. Le i byabuyabuya’ka bidi mu kino kipwano? Twiyukanga senene batwe bene na bene, ne kino kikomejanga kijimba kyetu kya buswe. Ebiya, shi banabetu abatanwa na makambakano, twibakwashanga bukidi mwanda twi bapwane nabo bininge. (Nkindi 17:17) Kitatyi kyotupwana na bonso badi mu kipwilo kyetu, tulombolanga’mba ‘twitele mutyima batwe bene na bene.’1 Kodinda 12:25, 26.

Tukukankamika utonge balunda nobe mu boba balonga kiswa-mutyima kya Leza. Balunda badi namino ukebatana mu bukata mwa Batumoni ba Yehova. Kokaleka kintu nansha kimo kikukankaje kwilunga netu.

  • Mwanda waka kupwila pamo na banabetu kudi na kamweno kotudi?

  • I kitatyi’ka kyokashilula kupwila netu?