Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 KIFUNDWA 27

Tumwenanga Namani mu Kibīko kya Mabuku kya ku Njibo ya Bulopwe?

Tumwenanga Namani mu Kibīko kya Mabuku kya ku Njibo ya Bulopwe?

Isalela

Repiblike Tsheke

Bénin

Bisanga bya Kaimane

Le usaka kukimba myanda mu mabuku etu mwa kuvudijija buyuki bobe bwa mu Bible? Le usaka kuyuka kisonekwa, muntu, kifuko, nansha kintu kampanda kitelelwe mu Bible? Nansha le wiipangulanga shi Kinenwa kya Leza kikokeja kukukwasha mu mwanda kampanda odi nao? Nankyo ingidija kibīko kya mabuku kidi ku Njibo ya Bulopwe.

Kidi na bingidilwa biyampe bya kukimba’mo myanda. Padi kudipo na bitabo byonso bya Batumoni ba Yehova bisambila pa Bible bilupwilwe mu ludimi lwenu. Inoko mu kibīko kya mabuku kya ku Njibo ya Bulopwe mutanwa mabuku mavule a panopano. Mukokeja ne kwikala malamuni palapala a Bible, dibuku diyampe dishintulula bishima, ne bitabo bikwabo bikwasha. Udi na bwanapabo bwa kutanga’mo, kumeso ne pa kupwa kwa kupwila. Shi mudi ne olodinatele, padi mpangiko ya Watchtower Library i mitūlwe’mo. Ino mpangiko ya mu olodinatele idi na mabuku etu mavule, kadi ipēla kwingidija, ukokeja kukimba nayo mutwe wa mwanda, kishima, nansha kisonekwa.

Kikwashanga bana ba masomo ba mu Kupwila kwa Būmi ne Mwingilo. Ubwanya kwingidija biyampe kibīko kya mabuku kya ku Njibo ya Bulopwe pa kuteakanya bipindi bikupebwa. Mutadi wa kupwila kwa Būmi ne Mwingilo ye wimaninanga kino kibīko. I aye wa kutala shi bitabo byonso bya panopano bidi’mo ne shi i bipangikwe senene. Aye nansha yewa ukufundijanga Bible ukokeja kukulombola mwa kusokwela myanda ya mvubu yokimba. Ino ke biyampepo kutambija kitabo nansha kimo panja pa Njibo ya Bulopwe. Ne kadi tufwaninwe kutenga na dyangi ano mabuku, kwampikwa kulemba’mo kintu.

Bible unena’mba pa ‘kutana buyuki bwa Leza,’ tufwaninwe kwikala na mutyima wa kukimba’bo pamo bwa “byabulēme bifibwe.” (Nkindi 2:1-5) Kibīko kya ku Njibo ya Bulopwe kikokeja kukukwasha ushilule kukimba myanda mu mabuku etu.

  • Le i bingidilwa’ka bya kukimba’mo myanda bitanwa ku Njibo ya Bulopwe?

  • Le i ani ukakukwasha wingidije biyampe kibīko kya mabuku etu?