Enda ku bidi'mo

Enda ku ntwelelo ya bubidi

Enda ku kifunka

Batumoni ba Yehova

Kiluba

Le I Bāni Balonga Kiswa-Mutyima kya Yehova Dyalelo?

 KIFUNDWA 16

Le Bengidi ba Mingilo badi na Mwingilo’ka?

Le Bengidi ba Mingilo badi na Mwingilo’ka?

Myamar

Upityija kipindi ku kupwila

Wingila mu kisumpi

Ulongolola ku Njibo ya Bulopwe

Bible utela bibumbo bibidi bya bana-balume bene Kidishitu badi na biselwa bya kulela kipwilo—“batadi ne bengidi ba mingilo.” (Fidipai 1:1) Kudi bakulumpe ne bengidi ba mingilo palapala bengila mu kipwilo ne kipwilo. Le i mwingilo’ka wingila bengidi ba mingilo mwanda wa kamweno ketu?

Bakwashanga kitango kya bakulumpe. Bengidi ba mingilo bapwene mpata na Yehova, kadi i bantu bakulupilwa, bengila na mutyima umo, bamo i bankasampe, bakwabo nabo i banunu. Bavuijanga mingilo ya mvubu, divule i mingilo ya bya kulongolola ne ya makasa ingilwa pa kipwilo. Kino kilengejanga bakulumpe nabo bate mutyima ku mingilo ya kufundija ne ya bukumbi.

Bakwashanga ku mingilo ya makasa. Bengidi ba mingilo bamo i bapebwe mwingilo wa kutundaila boba bāya ku kupwila. Bakwabo bengilanga ku binanda, ku kwabanya mabuku, ku lubalo lwa kipwilo, ne ku mwingilo wa kupa banabetu mu kipwilo myaba ya kusapula’mo. Kadi bakwashanga ne ku kulongolola Njibo ya Bulopwe. Bakulumpe babwanya kwibalomba bakakwashe boba ke banunu. Nansha shi mwingidi wa mingilo wapebwa mwingilo’ka, wingilanga’o na mutyima tō ne kino kilengejanga banabetu bebalēmeke.1 Temote 3:13.

Bashilanga banababo kimfwa kiyampe. Bengidi ba mingilo batoñwanga pa mwanda wa ngikadilo yabo milumbuluke ya bwine Kidishitu. Bakankamikanga lwitabijo lwetu kitatyi kyobapityija bipindi ku kupwila. Baningijanga bupyasakane bwetu kitatyi kyobatangidila mwingilo wa kusapula. Byobadi na mutyima wa kwingidila pamo na bakulumpe, betulengejanga twikale na nsangaji ne bumo. (Efisesa 4:16) Mwenda mafuku, nabo bakokeja kubwanya bisakibwa bya kwingila bu bakulumpe.

  • Le bengidi ba mingilo i bantu ba muswelo’ka?

  • Le bengidi ba mingilo bakwashanga namani kipwilo kingile biyampe?