Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Lelo Leza Udi na Mpango’ka Potudi?

Lelo Leza Udi na Mpango’ka Potudi?

SHI utange julunale ye-yense, utale televijo, nansha kulonda ladiyo, ukamona ne kwivwana myanda mivule ya butapani, ya mavita, ne ya butumbula. Padi abe mwine ususukanga na misongo nansha kufwilwa muntu osenswe.

Wiipangule amba:

  • Le Leza usakanga ami ne kisaka kyetu tutanwe na bino bintu?

  • I kwepi konkatana bukwashi mwa kulwila na makambakano ami?

  • Lelo ndoe ya bine ikekala’ko’tu?

Bible uleta malondololo a bine ku bino bipangujo.

 BIBLE WITUFUNDIJA’MBA LEZA USA KULONGA BINTU BYA KUTENDELWA PANO PA NTANDA.

 MWENA MU BYOBYA BIFUNDIJA BIBLE

Ubwanya kulanga bukidibukidi amba myanda yowatanga mu mapaje mabajinji a kino kitabo i bilotwa. Inoko Leza i mulaye kufikidija panopano ponka ino myanda pano pa ntanda, kadi Bible i mushintulule muswelo wasa kwiifikidija.

Kadi kekupwilepo. Bible witusapwila ne byobya byotufwaninwe kuyuka mwa kwikadila na nsangaji ya binebine tamba’nka pano. Vuluka’po bidi bintu bikuletelanga moyo. Padi i kubulwa lupeto, makambakano mu kisaka, misongo, nansha lufu lwa muntu osenswe. Bible ubwanya kukukwasha ulwe na ino myanda, kadi ubwanya kukusenga na kuleta malondololo ku bino bipangujo:

 Kutanga kotanga kino kitabo kulombola’mba usakanga kuyuka byobya bifundija Bible. Kino kitabo kisa kukukwasha. Mudi bipangujo bya misango, bine bikakukwasha wivwanije Bible senene. Bantu bavule basenswe kwisamba myanda idi mu Bible na Batumoni ba Yehova. Tukulupile amba nobe bisa kukusangaja. Tulomba Leza akwesele pano powifunda kuyuka byobya bikufundija Bible!