Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Ntwelelo

Ntwelelo

LEZA MWINĒ BUKOMO BONSO ye Mwinē diulu ne ntanda. Būmi bwetu, dyalelo ne mu myaka īya kumeso, budi mu makasa andi. Udi na bukomo bwa kupala mpalo ne bukomo bwa kupāna mfuto. Udi na bukomo bwa kupāna būmi ne bukomo bwa kuyata būmi. Shi tudi betabijibwe nandi, twi badyese; shi ketwitabijibwepo nandi, malwa etu. Bine, kyo kisakilwa butōtyi bwetu bwikale bwitabijibwe na aye!

Bantu batōtanga mu miswelo mivule. Shi tudingakanye mutōtelo na dishinda, lelo mitōtelo yonso i mashinda metabijibwe na Leza? Ehe, ke yonsopo. Yesu, mupolofeto wa Leza, wālombwele amba kudi mashinda abidi kete. “Dishinda dikatampe [d]yenda ku koneka, kadi i bangibangi batwelela’po. Ino kabelo katyetye ne dishinda dityetye byenda ku bumi, i batyetye tu bamona’byo.”​—Mateo 7:13, 14, MB.

Kudi mitōtelo ya miswelo ibidi kete: umo utwala ku būmi, mukwabo utwala ku konakanibwa. Kilupwidilwe uno mukanda i kukukwasha usokole dishinda ditwala ku būmi bwa nyeke.