Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 KAPANGO KA BUFUNDIJI 2A

Mwivwanino wa Bupolofeto bwa Ezekyele

Mwivwanino wa Bupolofeto bwa Ezekyele

NSHINTULWILO​—LE BUPOLOFETO I BIKA?

Mu Bible, kyubwa kya Kihebelu kyalamwinwe bu “bupolofeto” i nava, kishima kifunkila dibajinji pa kusapula musapu wa ku bukomo bwa mushipiditu, butyibi, bufundiji bwa mu mwikadilo, nansha musoñanya utamba kudi Leza. Kibwanya kadi ne kufunkila pa kusapula musapu wa Leza wa bintu bīya kumeso. Mu bupolofeto bwa Ezekyele mudi ino miswelo yonso ya kusokwelwa kwa Leza.​—Ezk. 3:10, 11; 11:4-8; 14:6, 7; 37:9, 10; 38:1-4.

MUSWELO WA KUSAPULA

  • BIMONWA

  • BYELEKEJO

  • KWENGELEKEJA

Mu mukanda wa Ezekyele mudi bimonwa, byelekejo, nkindi, ne kwengelekeja kwa musapu wa bupolofeto.

KUFIKIDILA

Kyaba kimo, bupolofeto bwānenene Ezekyele budi na kufikidila kuvule. Kimfwa, bupolofeto bwa kujokejibwa bwāfikidile bityetye kitatyi kyājokēle bantu ba Yehova mu Ntanda ya Mulao. Inoko monka mokilombwedilwe mu Shapita 9 wa kino kitabo, bupolofeto buvule bwa kujokejibwa bufikidilanga dyalelo, kadi bukafikidila mu mafuku āya kumeso.

Mafuku kunyuma, twamwene amba myanda mivule ya mu bupolofeto bwa Ezekyele yadi na nshintulwilo yayo ya mu mafuku a kumeso. Inoko kino kitabo, kekishintululapo muntu ye-yense, kintu, kifuko, nansha kinkumenkume kyo-kyonso kya myanda ya kala amba bidi na nshintulwilo yabyo mu ano etu mafuku, poso enka shi kudi buluji bupotoloke bwa mu Bisonekwa bwa kulongela namino. * Inoko, kisa kwisambila pa kufikidila kukatampe kwa bupolofeto bwa Ezekyele. Kisa kwisambila ne pa ñeni yotubwanya kuboila ku musapu wa Ezekyele, bantu, bifuko, ne binkumenkume byatelele.

^ mus. 12 Pa mwanda utala myanda ya kala ne nshintulwilo yayo ya mu mafuku a kumeso, tala Kiteba kya Mulami kya difuku 1 Kweji 3, 2015, p. 10-12, mus. 7-12; ne “Bipangujo bya Batangi,” mu Kiteba kya Mulami kya Falanse kya mafuku 15 Kweji 3, 2015, p. 17-18.