Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Mukanda Utamba ku Kitango Kyendeji

Mukanda Utamba ku Kitango Kyendeji

Abe Uswele Yehova:

Yesu wānene amba: “Mukayuka bubine, bubine nabo bukemupa bwanapabo.” (Yoano 8:32) Bino binenwa bikankamika’po kashā! I amo, mukokeja kuyuka bubine, nansha byomudi mu ano “mafuku a mfulo” mabi mayule bubela. (2 Temote 3:1) Le ubavuluka difuku dibajinji dyobakushintulwidile Kinenwa kya Leza nobe wamona’mba i bubine? Bine i kintu kisangaja kyowamwene!

Inoko, nansha kwikala na buyuki bwa bine bwa bubine ne kusapwila’bo bakwetu byokudi na mvubu mpata, ino tufwaninwe kadi ne kwiendeja batwe bene mungya buno bubine. Pa kufikila’po, bitulomba kwilama mu buswe bwa Leza. Le i na kulonga bika ne bika? Binenwa byānene Yesu bufuku bubadikila lufu lwandi bilondolola ku kino kipangujo. Wānene batumibwa bandi ba kikōkeji amba: “Shi mulame mbila yami, mukekala mu buswe bwami, monka mondamine mbila ya Tata ne kwikala mu buswe bwandi.”Yoano 15:10.

Vuluka’mba Yesu wēlamine mu buswe bwa Leza na kulonda misoñanya ya Shandi. Ne batwe netu mo monka. Shi tusaka kwilama mu buswe bwa Leza, tunenwe kulonda bubine mu būmi bwetu difuku ne difuku. Yesu wānene mu bonka bufuku’bwa amba: “Shi muyukile bino bintu mwi ba katōkwe shi mulonga’byo.”Yoano 13:17.

Tukulupile na mutyima umo amba kino kitabo kikakukwasha wendelele na kulonda bubine mu bobe būmi ne kwilama “mu buswe bwa Leza . . . mwanda wa būmi bwa nyeke.”Yude 21.

Kitango Kyendeji kya Batumoni ba Yehova