Enda ku bidi'mo

Enda ku kifunka

Batumoni ba Yehova

Tonga Ludimi Kiluba

 MBWEJO

Kunekenya Kibidiji kya Kwikaila ku bya Mutaka

Kunekenya Kibidiji kya Kwikaila ku bya Mutaka

Kukaila ku bya mutaka i kibidiji kibi ku mushipiditu, kitonona muntu ku kwisakila kadi kyona ne milangwe yandi. * Muntu wikaila nansha ukaila ku bya mutaka bya bakwabo ukokeja kwibamona bu bintu bya kukaya nabyo—bya kwipwija nabyo bilokoloko bya bulādi. Yewa wiposa ukokeja kumona mutaka bu kintu kya kwisangaja nakyo bitupu ne kya kwipwa nakyo buya pa kyaba kya kujingulula’mba i kilomboji kya buswe. Inoko kuno kwisangaja i kwa kakitatyi katyetye. Na bubine, pa kyaba kya kwipaya bilokoloko bya ngitu pamo bwa “busekese, disubi, bilokoloko bya busekese,” kwikaila ku bya mutaka kwibilangulanga.Kolose 3:5.

Mutumibwa Polo wālembele amba: “Nanshi, byotudi na ino milao, banwe baswedibwe, twitōkejei ku byonso bisubija ngitu ne mushipiditu, tubwanininye buujila mu kwakamwa Leza.” (2 Kodinda 7:1) Shi ukolelwanga kulonda bino binenwa, nabya kokapungila. Yehova udi na “mutyima wa lubilo wa kulekela” kadi ukakukwasha. (Ñimbo 86:5; Luka 11:9-13) Bine, mutyima obe ukutopeka ne bukomo bolonga pa kunekenya kino kibidiji—nansha byoponena’mo kyaba kimokimo—bilombola amba udi na kukanina kuyampe kwa mutyima. Yuka kadi amba “Leza i mukatampe kupita mityima yetu kadi uyukile bintu byonso.” (1 Yoano 3:20) Leza umwene bivule kutabuka ne bubi bwetu, ukumwene abe yense. Kuyuka kino ko kumulengeja etwimvwane na kanye potumuzenza  etufwile lusa. Nanshi ketwakikōka kuvundamukila kudi Leza na kwityepeja mu milombelo ya binebine, pamo bwa mwana ulomba shandi kitatyi kyadi mu makambakano. Yehova ukakwesela ne kutōkeja mutyima obe wa mundamunda. (Ñimbo 51:1-12, 17; Isaya 1:18) Bine, ufwaninwe kutabula matabula mayampe akwatañene na milombelo yobe. Kimfwa, longa bukomo bwa kuleka kutala miswelo yo-yonso ya bantu badi mutaka ne kwinangila kubi. *

Shi makambakano obe a kwikaila ku bya mutaka akyendelela, nabya wisambe na mbutwile mwine Kidishitu nansha mwanetu mutame ku mushipiditu nansha mulunda ukutele mutyima. *Nkindi 1:8, 9; 1 Tesalonika 5:14; Tetusa 2:3-5.

^ mus. 1 Kukaila ku bya mutaka i kwipolweja, kwisuka, kwikana nansha kwinyuka bya mutaka, kufula divule na kukolomoka kukatampe kwa kilokoloko kya kusambakena pamo.

^ mus. 2 Bisaka bivule i bitabule ditabula diyampe pa kukontolola mwingidijijo wa Entelenete na kwiitūla mu pitapita. Kadi ba mu bisaka bikwabo bapotanga mpangiko ya kompyuta ipela kupityija bintu bibibibi. Shako, kekudipo mpangiko ibwanya kukulupilwa.

^ mus. 1 Shi usakila’ko madingi makwabo a mwa kunekenenya kwikaila ku bya mutaka, tala kishinte kinena’mba “ Les jeunes s’interrogent... Comment vaincre cette habitude ? ” mu Réveillez-vous ! wa Kweji 11, 2006, ne mu kitabo Les jeunes s’interrogent — Réponses pratiques, Volime 1, paje 178-182.