Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Ku lunkuso: Kisaka kya Betele ya Brooklyn kifeta Noele yakyo ya mfulo, mu 1926; ku lundyo: Bantu abajingulula amba Batumoni ba Yehova i beshile

 KIPINDI 3

Misoñanya ya Bulopwe—Kukimba Boloke bwa Leza

Misoñanya ya Bulopwe—Kukimba Boloke bwa Leza

 UBAPĀPA mulondakani nobe kuboko powinangija. Kupwa, ubajingulula’mba wikalanga wimutala abe ne kyobe kisaka. Nandi wakupāpa kupwa wakudyobola. Kanena’mba: “Nkwipangule’po bidi. Mwanda waka mwi beshile na bantu bakwabo?” Nobe ubamwipagula’mba, “Le ukimba kunena bika?” Aye amba, “Mwene, mwi Batumoni ba Yehova? Mwi beshile na bantu bonso. Kemudipo bwa bipwilo bikwabo—kufeta mafetyi a mizo, kemufete, kadi kwikuja mu politike nansha mu mavita namo kemwikuja. Kemutomangapo mfwanka. Kadi bisaka byenu bimweka bu bīlēmeke. Ino i bika le bine bimushiyañenye uno muswelo?”

Uyukile amba kilondololwa kimanine pa kintu kimo: I mwanda tuludikwanga na Bulopwe bwa Leza. Yesu byadi Mulopwe, pano po pene paetusubula. Witukwashanga tulonde mu mayo andi ne kwisansanya na ino ntanda mibi. Mu kino kipindi, tusa kumona Bulopwe bwa Meshiasa mobusubwila bantu ba Leza ku mushipiditu, mu mwikadilo, ne mu bulongolodi—mwanda’tu wa kutumbija Yehova.

MU KINO KIPINDI

SHAPITA 10

Mulopwe Wasubula Bantu Bandi ku Mushipiditu

Le Noele ne musalaba byadi bikwatañene paka?

SHAPITA 11

Kusubulwa kwa mu Mwikadilo—Kumwekejanga Buujila bwa Leza

Tudimbwa twa balami ne bibelo bya mu kimonwa kya tempelo kyāmwene Ezekyele bidi na nshintulwilo ya pa bula ku bantu ba Leza tamba mu 1914.

SHAPITA 12

Bateakanibwe Mwa Kwingidila “Leza wa Ndoe”

Bible kesambilangapo pa kwishila kudi pa kavutakanya na ndudi, ino i na ndoe. Mwanda waka? Le kuyuka malondololo kuteñanga namani bene Kidishitu dyalelo?