Enda ku bidi'mo

Enda ku ntwelelo ya bubidi

Enda ku kifunka

Batumoni ba Yehova

Kiluba

Bulopwe bwa Leza Buludikanga!

Le wabilanga kumona kufikidila kwa milao ya Bulopwe?

 KIPINDI 7

Milao ya Bulopwe—Kulonga Byonso Ke Bipya

Milao ya Bulopwe—Kulonga Byonso Ke Bipya

 UBAAPE pome utobala. Ubalule kaluvumba kandi kumeso kwa kumwela mu kisaku kyenda kiyula. Ubaingila pano ke mansá mavule, ino pano ubasake kadi kwapila’ko monka bityetye. Inobe wapanga ku mutyi mukwabo udi pabwipi, wingila na nsangaji pamo na bamwanenu ne na balunda bemukwasha’ko ku kwapa. Ubamumone ke nsongwa—ubavuluka mowadi umumwena powakidi mwanuke myaka kunyuma. Ubakomenwa kwitabija abe mwine amba wamumwene paadi mununu mu ntanda ya kala. Wamumwene ususuka na misongo, wamukwata mu makasa pafoma dya mfulo, kadi wadidila pa kibundu kyandi. Ino, pano tala au keye mūmi pamo na bakwabo, ke bakomo monka!

Tuyukile amba; ino myanda isa kulongeka. Mwanda milao ya Leza ifikidilanga nyeke. Mu kino kipindi, tusa kubandaula muswelo usa kufikidila milao imo ya Bulopwe kumeso’ku, ya myanda itwala ku divita dya Amakedona. Kadi tusa kumona ne milao imoimo isangaja ya Bulopwe ya kufikidila kinondanonda na kupwa kwa divita. Bine tukasangala mpata pa kumona Bulopwe bwa Leza buludika ntanda ne kulonga bintu byonso ke bipya!

MU KINO KIPINDI

SHAPITA 21

Bulopwe bwa Leza Bubatalula’ko Balwana Nabo

Ubwanya kwiteakanya ku divita dya Amakedona tamba’nka pano.

SHAPITA 22

Bulopwe Bubafikidija Kiswa-Mutyima kya Leza Pano Panshi

Le i kika kitukulupija amba milao ya Yehova isa kufikidila?