Enda ku bidi'mo

Enda ku kifunka

Batumoni ba Yehova

Tonga Ludimi Kiluba

Ku lunkuso: Tutu umo wakwatwa mwanda wadi usapula mu Eindhoven, mu Pays-Bas, mu 1945; ku lundyo: Le kusapula i kwitabijibwe na ba lupusa mu kyenu kibundi?

 KIPINDI 4

Bulopwe Bubanekenya—Kuningija Myanda Miyampe ku Meso a Balupusa

Bulopwe Bubanekenya—Kuningija Myanda Miyampe ku Meso a Balupusa

 POMUSAPULA ku njibo ne njibo, mubaimvwana kyaba nabya kuvuma kwa kakimpungidi peulu pa motoka. Kenda kavumina’ko mpata. Poshilula kwisamba ku njibo mikwabo, omusapula nandi wapuakanibwa, pawamona motoka wa bampulushi ushīka. Komanda watūka, wafwena ne kwimwipangula’mba: “Le i banwe basapula ku njibo ne njibo myanda ya mu Bible? Tubaimvwana bantu batompola!” Mubamulondolola bya bulēme, ne kumusapwila amba mwi Batumoni ba Yehova. Ke mutale bine bisa kulongeka, le i bika?

Mānga ayo mine isa kwitulombola bivule. Mu bula bwa myaka, Leta wa mu yenu ntanda le umwene namani Batumoni ba Yehova? Le mudi bwanapabo bwa bipwilo? Shi i amo, bimweka amba kudi batutu ne bakaka ba ku mushipiditu baingile bininge mu makumi a myaka mwanda wa kulwila “myanda miyampe ne kuningija’yo ku meso a ba lupusa.” (Fid. 1:7) Nansha shi mwikale kwepi, kulangulukila pa myanda ya kunekenya kwa Batumoni ba Yehova ku meso a ba lupusa kukokeja kukomeja lwitabijo bininge. Mu kino kipindi, tusa kwisambila’mo pa kunekenya kumokumo kukatampe. Kunekenya kwetu i bukamoni bulombola’mba Bulopwe i bwa bine, mwanda na bukomo bwa batwe bene ketubwanyapo kunekenya!

MU KINO KIPINDI

SHAPITA 13

Basapudi ba Bulopwe Abakasamba mu Kidye

Batyibi mu bidye bikatampe bimobimo bya mu ano mafuku badi ma mumweno na wādi na Ngamadyela mufundiji wa Bijila wa kala.

SHAPITA 14

Bakwatakenye na Kikōkeji’nka Umbikalo wa Leza Kete

“Munonga” wa kupangwapangwa walupwidilwe pa Batumoni ba Yehova mwanda wa kubulwa kwikuja’bo mu politike, wamininwe na mu kitulumukila na nsulo keilangibwa.

SHAPITA 15

Kulwila Bwanapabo bwa Mutōtelo

Bantu ba Leza balwidile kyepelo kya kukōkela bijila—ke bijila bya Bulopwe bwa Leza kadi.