Enda ku bidi'mo

Enda ku ntwelelo ya bubidi

Enda ku kifunka

Batumoni ba Yehova

Kiluba

Bulopwe bwa Leza Buludikanga!

Ku lunkuso: Bintu bya bukwashi bitamba mu Suise bitumīnwe banabetu ba mu Alemanye, mu 1946; ku lundyo: Kūbakululwa kwa Njibo ya Bulopwe imo ya mu Jampani kupwa kwa kimpengele kya tsunami, 2011

 KIPINDI 6

Kukwatakanya Bulopwe—Kūbaka Mobo a Kutōtela’mo ne Kuleta Bukwashi

Kukwatakanya Bulopwe—Kūbaka Mobo a Kutōtela’mo ne Kuleta Bukwashi

 UBATWELA mu yenu Njibo ya Bulopwe, kotulumuka mwashintyila munda. Wadi witembanga nyeke ino njibo. Kadi ubavuluka ne mowakwashishe ku lūbako myaka kunyuma. Ino pano kyowitemba mu ino Njibo ya Bulopwe, i pa mwanda ibashinta ke kifuko kya kupānina’mo bukwashi mu bula bwa kitatyi kampanda. Kimpumpu pokyalobeje bibundi byenu, pambulwa kwija, Komite wa Musambo wakwete’ko mpangiko ya kukwasha boba batenwe na kino kinkumbulu amba bapebwe bidibwa, bivwalwa, mema malumbuluke, ne bikwabo. Byabuntu i bipange munda senene. Batutu ne bakaka bayule’mo batyikinya bapebwa byobasakilwa, impolo ya nsangaji ya bavule ibayengayenga mu meso.

Yesu wānene’mba kiyukeno kikatampe kya bantu bandi i buswe bobesenswe abo bene na bene. (Yoa. 13:34, 35) Mu kino kipindi tusa kubandaula’mo muswelo wilombola patōkelela Batumoni ba Yehova buswe kupityila ku mapoloje a lūbako, ne ku byabuntu bya bukwashi. Buno buswe i bukamoni bumwekelele bulombola’mba twi babikalwa ba Bulopwe buludikwa na Yesu.

MU KINO KIPINDI

SHAPITA 18

Kutamba Lupeto Lwingidijibwa mu Mingilo ya Bulopwe

Le lupeto lutambanga kwepi? Le lwingidijibwanga namani?

SHAPITA 19

Lūbako Lutumbija Yehova

Bifuko bya kutōtela’po bitumbija Leza, ino ukwete na mutyika kintu kikwabo kitabukile bulēme.

SHAPITA 20

Mwingilo wa Kuleta Bukwashi

Le tubayuka namani amba mwingilo wa kuleta bukwashi ubadilwa mu mingilo ikola yotwingidila Yehova?